ಕೋಲ್ಕತ್ತ-ಪಂಜಾಬ್ ಇಂದು ಮುಖಾಮುಖಿ

ಮೊಹಾಲಿ (ಪಿಟಿಐ): ಮೊದಲ ಎರಡು ಹೆಜ್ಜೆಯಲ್ಲಿ ನಿರಾಸೆ, ಮತ್ತೆರಡು ಗೆಲುವಿನ ಸಂಭ್ರಮ. ಆನಂತರ ಮತ್ತೆ ಮುಗ್ಗರಿಸಿತು ಕೋಲ್ಕತ್ತ ನೈಟ್ ರೈಡರ್ಸ್. ಅದೂ ಕಿಂಗ್ಸ್ ಇಲೆವೆನ್ ಪಂಜಾಬ್ ಎದುರು. ಈಗ ಮತ್ತೆ ಅದೇ ಎದುರಾಳಿಯ ವಿರುದ್ಧ ಬುಧವಾರ ಹೋರಾಟ.

ಈಡನ್ ಗಾರ್ಡನ್ಸ್‌ನಲ್ಲಿ ಸೋಲಿನಿಂದ ಸಿಡಿದ ಸೇಡಿನ ಕಿಡಿ ತಣ್ಣಗಾಗಬೇಕು. ಅದು ಸಾಧ್ಯವಾಗುವುದು ಕಿಂಗ್ಸ್ ಇಲೆವೆನ್ ತಂಡವನ್ನು ಅದರ ನೆಚ್ಚಿನ ಪಂಜಾಬ್ ಕ್ರಿಕೆಟ್ ಸಂಸ್ಥೆ (ಪಿಸಿಎ) ಅಂಗಳದಲ್ಲಿಯೇ ಮಣಿಸಿದಾಗ ಮಾತ್ರ.
ಆರಂಭ: ರಾತ್ರಿ 8.00ಕ್ಕೆ