ಗಂಗೋತ್ರಿಯಲ್ಲಿ ಕ್ರಿಕೆಟಿಗರ ಅಭ್ಯಾಸ

ಮೈಸೂರು: ಗಂಗೋತ್ರಿ ಗ್ಲೇಡ್ಸ್‌ನಲ್ಲಿ ಸೋಮವಾರ ಬೆಳಿಗ್ಗೆಯಿಂದಲೇ ಕ್ರಿಕೆಟ್‌ ಪ್ರೇಮಿಗಳ ಮೊಬೈಲ್ ಫೋನ್ ಕ್ಯಾಮೆರಾಗಳ ಕಿಲಕಿಲ ಸದ್ದು!

ಸೆಪ್ಟೆಂಬರ್‌ 25 ರಿಂದ 28ರವರೆಗೆ ಇಲ್ಲಿಯ ಗಂಗೋತ್ರಿ ಗ್ಲೇಡ್ಸ್‌ನಲ್ಲಿ ನಡೆಯಲಿರುವ ‘ಎ‘ ಪಂದ್ಯದಲ್ಲಿ ಆಡಲಿರುವ ವೆಸ್ಟ್ ಇಂಡೀಸ್ ‘ಎ’ ತಂಡ ಮತ್ತು ಭಾರತ ‘ಎ’ ತಂಡಗಳ ಆಟ­ಗಾ­ರರ ಅಭ್ಯಾಸವನ್ನು ನೋಡಲು ಮಾನಸ­ಗಂಗೋತ್ರಿಯ ವಿದ್ಯಾರ್ಥಿಗಳ ದಂಡು ಸೇರಿತ್ತು.

ಬೆಳಿಗ್ಗೆ 10ರಿಂದ ಮಧ್ಯಾಹ್ನ 1ರವರೆಗೆ ಅಭ್ಯಾಸ ನಡೆಸಿದ ಕಿರ್ಕ್ ಎಡ್ವರ್ಡ್ ಬಳಗವು ಬ್ಯಾಟಿಂಗ್‌, ಫಿಟ್ ನೆಸ್ ಮತ್ತು ಫೀಲ್ಡಿಂಗ್ ಅಭ್ಯಾಸ ನಡೆಸಿತು. ಕಿರನ್ ಪೋವೆಲ್ ಅವರು ಪ್ರೇಕ್ಷಕರ ಪ್ರಮುಖ ಆಕರ್ಷಣೆಯಾಗಿದ್ದರು.