ಚೆಸ್‌; ಆನಂದ್‌ಗೆ ಎರಡನೇ ಸ್ಥಾನ

ಸೇಂಟ್ ಲೂಯಿಸ್‌: ಐದು ಬಾರಿಯ ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಇಲ್ಲಿ ನಡೆಯುತ್ತಿರುವ ಸಿಂಕ್‌ಫೀಲ್ಡ್ ಚೆಸ್ ಟೂರ್ನಿಯ ಅಂತಿಮ ಸುತ್ತಿನಲ್ಲಿ ಶನಿವಾರ ಡ್ರಾ ಮಾಡಿಕೊಳ್ಳುವ ಮೂಲಕ ಜಂಟಿ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟಿದ್ದಾರೆ.

ಮೆರಿಕದ ವೆಸ್ಲೆ ಸೊ ಎದುರು ಆನಂದ್ ಡ್ರಾ ಮಾಡಿಕೊಂಡರು. ಆನಂದ್ ಒಟ್ಟು ಒಂಬತ್ತರಲ್ಲಿ 5.5 ಪಾಯಿಂಟ್ಸ್‌ ಪಡೆದಿದ್ದಾರೆ. ಆನಂದ್ ಈ ಟೂರ್ನಿಯಲ್ಲಿ ಉತ್ತಮ ರೇಟಿಂಗ್ ಪಾಯಿಂಟ್ಸ್ ಪಡೆದುಕೊಂಡಿದ್ದಾರೆ.

ಈ ಮೂಲಕ ಅವರು 2800 ರೇಟಿಂಗ್ ಪಡೆಯುವ ಸಮೀಪದಲ್ಲಿ ಇದ್ದಾರೆ. ಟೂರ್ನಿಯಲ್ಲಿ ಆನಂದ್‌ ಏಳು ಸುತ್ತಿನ ಪಂದ್ಯಗಳಲ್ಲಿ ಡ್ರಾ ಮಾಡಿಕೊಂಡಿದ್ದಾರೆ. ಎರಡು ಪಂದ್ಯಗಳನ್ನು ಗೆದ್ದುಕೊಂಡಿದ್ದಾರೆ.