ಚೆಸ್: ಆನಂದ್‌ಗೆ ಎರಡನೇ ಸ್ಥಾನ

ಮಾಸ್ಕೊ (ಪಿಟಿಐ): ವಿಶ್ವ ಚಾಂಪಿಯನ್ ವಿಶ್ವನಾಥನ್ ಆನಂದ್ ಇಲ್ಲಿ ನಡೆಯುತ್ತಿರುವ ತಾಲ್ ಮೆಮೋರಿಯಲ್ ಬ್ಲಿಟ್ಜ್ ಚೆಸ್ ಟೂರ್ನಿಯಲ್ಲಿ ಎರಡನೇ ಸ್ಥಾನ ಪಡೆದಿದ್ದಾರೆ.

ಈ ಟೂರ್ನಿಯಲ್ಲಿ ಅಜೇಯರಾಗುಳಿದ ಅವರು ಒಟ್ಟು 6.5 ಪಾಯಿಂಟ್ ಪಡೆದರು. ಏಳು ಪಾಯಿಂಟ್ ಪಡೆದ ಅಮೆರಿಕದ ಹಿಕಾರು ನಕಾಮುರಾ ಚಾಂಪಿಯನ್ ಆದರು. ಈ ಟೂರ್ನಿಯಲ್ಲಿ ಒಟ್ಟು 10 ಮಂದಿ ಪಾಲ್ಗೊಂಡಿದ್ದರು.

ಬ್ಲಿಟ್ಜ್ ಟೂರ್ನಿ ಬಳಿಕ ಪ್ರಧಾನ ಹಂತದ ಟೂರ್ನಿ ನಡೆಯಲಿದೆ. ಆನಂದ್ ಮೊದಲ ಪಂದ್ಯದಲ್ಲಿ ಇಟಲಿಯ ಫ್ಯಾಬಿಯಾನೊ ಕರುವಾನಾ ಎದುರು ಪೈಪೋಟಿ ನಡೆಸಲಿದ್ದಾರೆ. ಈ ಟೂರ್ನಿಯಲ್ಲಿ ಒಟ್ಟು ಒಂಬತ್ತು ಸುತ್ತುಗಳ ಪಂದ್ಯ ನಡೆಯಲಿದೆ.

ಆನಂದ್ ಐದು ಪಂದ್ಯಗಳಲ್ಲಿ ಬಿಳಿ ಕಾಯಿಗಳಿಂದ ಆಡುವ ಅವಕಾಶ ಪಡೆದುಕೊಂಡಿದ್ದಾರೆ.