ಜೈಲಿನಿಂದ ಪಿಂಕಿ ಪ್ರಾಮಾಣಿಕ್ ಬಿಡುಗಡೆ

ಕೋಲ್ಕತ್ತ (ಪಿಟಿಐ): `ಬಂಧನದ ಅವಧಿಯಲ್ಲಿ ಪೊಲೀಸರು ನನ್ನ ಮೇಲೆ ದೌರ್ಜನ್ಯ ಎಸಗಿದ್ದಾರೆ~ ಎಂದು 26 ದಿನಗಳ ಬಂಧನದ ಬಳಿಕ ಬುಧವಾರ ಜೈಲಿನಿಂದ ಬಿಡುಗಡೆಯಾದ ಅಥ್ಲೀಟ್ ಪಿಂಕಿ ಪ್ರಾಮಾಣಿಕ್ ಆರೋಪಿಸಿದ್ದಾರೆ.

`ಸುಳ್ಳು ಆರೋಪದ ಮೇಲೆ ನನ್ನನ್ನು ಬಂಧಿಸಿದರು. ನನ್ನ ಕೈ, ಕಾಲು ಕಟ್ಟಿಹಾಕಿದರು. ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಲಿಂಗ ನಿರ್ಣಯ ಪರೀಕ್ಷೆಗೆ ಒಳಪಡಿಸಿದರು. ಕಿರುಚಿಕೊಂಡರೂ ಬಿಡಲಿಲ್ಲ~ ಎಂದು ಅವರು ದೂರಿದ್ದಾರೆ.