ಟಿಟಿ: ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯುವ ಹಾದಿಯಲ್ಲಿ ಶರತ್

ನವದೆಹಲಿ (ಐಎಎನ್‌ಎಸ್):  ಭಾರತದ ಅಚಂತ ಶರತ್ ಕಮಲ್ ಹಾಂಕಾಂಗ್‌ನಲ್ಲಿ ನಡೆಯುತ್ತಿರುವ ಏಷ್ಯನ್ ಒಲಿಂಪಿಕ್ಸ್ ಅರ್ಹತಾ ಟೇಬಲ್ ಟೆನಿಸ್ ಟೂರ್ನಿಯ ಪುರುಷರ ವಿಭಾಗದ 4ನೇ ಸುತ್ತು ಪ್ರವೇಶಿಸಿದ್ದಾರೆ. ಈ ಮೂಲಕ ಒಲಿಂಪಿಕ್ಸ್‌ಗೆ ಅರ್ಹತೆ ಪಡೆಯುವ ಹಾದಿಯಲ್ಲಿದ್ದಾರೆ.

ಶುಕ್ರವಾರ ನಡೆದ ಮೂರನೇ ಸುತ್ತಿನ ಪಂದ್ಯದಲ್ಲಿ ಅಚಂತ 11-1, 11-9, 11-5, 11-4ರಲ್ಲಿ ವಿಯೆಟ್ನಾಂನ ಕುಯಿನ್ಹಾ ಟ್ರಾನ್ ತುವಾನ್ ಅವರನ್ನು ಪರಾಭವಗೊಳಿಸಿದರು. ಅವರು ಮುಂದಿನ ಸುತ್ತಿನ ಪಂದ್ಯದಲ್ಲಿ ದಕ್ಷಿಣ ಕೊರಿಯಾದ ಜಂಗ್ ಸಾಂಗ್ ಮನ್ ಎದುರು ಗೆದ್ದರೆ ಒಲಿಂಪಿಕ್ಸ್ ಕನಸು ನನಸಾಗಲಿದೆ.