ಟಿಟಿ: ಸಾನ್ವಿ, ಆಯುಷ್‌ಗೆ ಪ್ರಶಸ್ತಿ

ಧಾರವಾಡ: ಕೆ. ಆಯುಷ್‌ ಮತ್ತು ಸಾನ್ವಿ ಮಂಡೇಕರ್‌ ಅವರು ಕಾಸ್ಮಸ್‌ ಕ್ಲಬ್‌ ಆಶ್ರಯದ ರಾಜ್ಯ ರ್‍ಯಾಂಕಿಂಗ್ ಟೇಬಲ್‌ ಟೆನಿಸ್ ಟೂರ್ನಿಯ ಮಿನಿ ಕೆಡೆಟ್‌ ವಿಭಾಗದಲ್ಲಿ ಚಾಂಪಿಯನ್ ಆಗಿದ್ದಾರೆ.

ಫೈನಲ್‌ನಲ್ಲಿ ಎಸ್‌.ಬಿ. ಅಕಾಡೆ ಮಿಯ ಆಯುಷ್‌ 7–11, 11–5, 11–7, 8–11, 11–8ರಲ್ಲಿ ತಮ್ಮದೇ ಕ್ಲಬ್‌ನ ಬಿ.ಎನ್‌. ಶ್ರೀಜಿತ್‌ ಎದುರು ಜಯ ಪಡೆದರು. ಸಾನ್ವಿ 5–11, 11–9, 11–9, 11–5ರಲ್ಲಿ ಎಂ.ಎಸ್‌.ಟಿ.ಟಿ.ಎ.ನ ನೀತಿ ಅಗರವಾಲ್‌ ಎದುರು ಜಯ ಸಾಧಿಸಿದರು. ಜೂನಿಯರ್‌ ಬಾಲಕಿಯರ ವಿಭಾಗದ ಫೈನಲ್‌ನಲ್ಲಿ ಡಿ. ಕಲ್ಯಾಣಿ 11–8, 11–7, 11–8, 11–8ರಲ್ಲಿ ಜೋಶಿ ಅಕಾಡೆಮಿಯ ಅದಿತಿ ಪಿ. ಜೋಶಿ ಅವರನ್ನು, ಬಾಲಕರ ವಿಭಾಗದಲ್ಲಿ ನೀರಜ್‌ ರಾಜ್‌ 12–10, 11–9, 11–5, 11–9ರಲ್ಲಿ ಕೆ.ಜೆ. ಆಕಾಶ್‌ ಅವರನ್ನು ಮಣಿಸಿದರು.