ಟೆನಿಸ್‌: ಮೇನಲ್ಲಿ ಬೆಂಗಳೂರಿಗೆ ನಡಾಲ್‌ ಕೋಚ್‌

ಬೆಂಗಳೂರು: ವಿಶ್ವ ಅಗ್ರ ರ‍್ಯಾಂಕ್ ನ ಟೆನಿಸ್‌ ಆಟಗಾರ ಸ್ಪೇನ್‌ನ ರಫೆಲ್‌ ನಡಾಲ್ ಅವರ ಕೋಚ್‌ ಫ್ರಾನ್ಸಿಸ್‌ ರೋಯಿಗ್‌ ಮೇನಲ್ಲಿ ಉದ್ಯಾನ ನಗರಿಗೆ ಭೇಟಿ ನೀಡಲಿದ್ದಾರೆ.

ಈ ಸಂದರ್ಭದಲ್ಲಿ ಅವರು ಉದಯೋನ್ಮುಖ ಆಟಗಾರರು ಹಾಗೂ ಟೆನಿಸ್‌ ಆಸಕ್ತರಿಗೆ ಕೋಚಿಂಗ್‌ ಕ್ಲಿನಿಕ್‌ ನಡೆಸಿಕೊಡ ಲಿದ್ದಾರೆ. ಅವರನ್ನು ಸ್ಪೋರ್ಟ್ಸ್‌ ಮ್ಯಾನೇಜ್‌ಮೆಂಟ್‌ ಕಂಪನಿ ‘ಬುಲ್‌ಡಾಗ್‌’ ಇಲ್ಲಿಗೆ ಆಹ್ವಾನಿಸಿದೆ.

ನಡಾಲ್‌ ಅಲ್ಲದೇ, ಅಲ್ಬೆರ್ಟೊ ಕೋಸ್ತಾ, ಅಲೆಕ್ಸ್‌ ಕೊರೆಟ್ಜಾ, ಫೆಲಿಸಿಯಾನೊ ಲೋಪೆಜ್‌, ಫರ್ನಾಂಡೊ ವಾರ್ಡಸ್ಕೊ, ಮಾರ್ಸೆಲ್‌ ಗ್ರಾನೋಲರ್ಸ್‌, ಟಾಮಿ ರಾಬ್ರೆಡೊ ಅವರಿಗೆ ಸ್ಪೇನ್‌ನ ಫ್ರಾನ್ಸಿಸ್‌   ಮಾರ್ಗದರ್ಶನ ನೀಡಿದ್ದಾರೆ. ಇಲ್ಲಿ ಮೂರು ದಿನ ಅವರು ತರಬೇತಿ ಶಿಬಿರ ನಡೆಸಿಕೊಡಲಿದ್ದಾರೆ.