ಮುಂಬೈ: ರೈಡರ್ ಪ್ರಶಾಂತ್ ಕುಮಾರ್ ರೈ ಅವರು ಗುರುವಾರ ನಡೆದ ಪ್ರೊ ಕಬಡ್ಡಿಯ ಎರಡನೇ ದಿನದ ಹರಾಜಿನಲ್ಲಿ ‘ಬಿ’ ವಿಭಾಗದಲ್ಲಿ ಹೊಸ ಮೈಲುಗಲ್ಲು ಬರೆದರು.
ಆರನೇ ಆವೃತ್ತಿಯ ಆಟಗಾರರ ‘ಬಿ’ ವಿಭಾಗದ ಹರಾಜಿನಲ್ಲಿ ಪ್ರಶಾಂತ್ ಕುಮಾರ್ ರೈ ₹79 ಲಕ್ಷಕ್ಕೆ ಮಾರಾಟವಾದರು. ಯುಪಿ ಯೋಧಾ ಪ್ರಾಂಚೈಸ್ ಪ್ರಶಾಂತ್ ಅವರನ್ನು ಖರೀಸಿದಿದೆ.
ಬುಧವಾರ ನಡೆದ ಹರಾಜಿನಲ್ಲಿ ಹರಿಯಾಣದ ರೈಡರ್ ಮೋನು ಗೋಯತ್ ಅವರು ₹1.51 ಕೋಟಿಗೆ ಮಾರಾಟವಾಗಿ ಹೊಸ ಮೈಲುಗಲ್ಲು ಸ್ಥಾಪಿಸಿದ್ದರು. ಈ ಮೂಲಕ ಲೀಗ್ನಲ್ಲಿ ಅತಿ ಹೆಚ್ಚು ಮೊತ್ತ ಗಳಿಸಿದ ಮೊದಲ ಆಟಗಾರ ಎಂಬ ದಾಖಲೆ ತಮ್ಮದಾಗಿಸಿಕೊಂಡಿದ್ದರು. ಹರಿಯಾಣ ಸ್ಟೀಲರ್ಸ್ ಫ್ರಾಂಚೈಸ್, ಮೋನು ಅವರನ್ನು ಖರೀದಿಸಿದೆ.
‘ಬಿ’ ವಿಭಾಗದಲ್ಲಿ ಚಂದ್ರನ್ ರಂಜಿತ್ ಅವರು ದಬಾಂಗ್ ಡೆಲ್ಲಿಗೆ ₹61.25 ಲಕ್ಷಕ್ಕೆ, ಹರಿಯಾಣ ಸ್ಟೀಲರ್ಸ್ ಫ್ರಾಂಚೈಸ್, ವಿಕಾಸ್ ಖಂಡೋಲಾ ಅವರನ್ನು ₹47 ಲಕ್ಷಕ್ಕೆ ಖರೀದಿಸಿತು.
ಇದೇ ವಿಭಾಗದಲ್ಲಿ ಧರ್ಮರಾಜ್ ಚೆರಾಲಥನ್ ಅವರನ್ನು ಯು ಮುಂಬಾ ₹46 ಲಕ್ಷಕ್ಕೆ ಮತ್ತು ವಿಶಾಲ್ ಮಾನೆ ಅವನ್ನು ದಬಾಂಗ್ ಡೆಲ್ಲಿ ₹45 ಲಕ್ಷಕ್ಕೆ ಖರೀದಿಸಿದವು.
ನಿನ್ನೆ ನಡೆದ ಹರಾಜು ಪ್ರಕ್ರಿಯೆಯ ಮೊದಲ ದಿನ ಆರು ಆಟಗಾರರು ₹1 ಕೋಟಿಗೂ ಅಧಿಕ ಮೊತ್ತಕ್ಕೆ ಹರಾಜಾಗಿದ್ದರು.
‘ಬಿ’ ವಿಭಾಗದಲ್ಲಿ ಹೆಚ್ಚು ಮೊತ್ತಕ್ಕೆ ಹರಾಜಾದ ಐವರು: ಪ್ರಶಾಂತ್ ಕುಮಾರ್ ರೈ (₹79 ಲಕ್ಷ ಯುಪಿ ಯೋಧಾ) ಚಂದ್ರನ್ ರಂಜಿತ್ (₹61.25 ಲಕ್ಷ - ದಬಾಂಗ್ ಡೆಲ್ಲಿ), ವಿಕಾಸ್ ಖಂಡೋಲಾ (₹47 ಲಕ್ಷ - ಹರಿಯಾಣ ಸ್ಟೀಲರ್ಸ್) ಧರ್ಮರಾಜ್ ಚೆರಾಲಥನ್ (₹46 ಲಕ್ಷ - ಯು ಮುಂಬಾ) ಮತ್ತು ವಿಶಾಲ್ ಮಾನೆ (₹45 ಲಕ್ಷ ದಬಾಂಗ್ ಡೆಲ್ಲಿ).
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.