ಮಾಸ್ಕೋ: 2010ರ ಫಿಫಾ ವಿಶ್ವಕಪ್ ಪಂದ್ಯಗಳ ಭವಿಷ್ಯ ಸೂಚಿಸಿ ‘ಪೌಲ್ ದಿ ಆಕ್ಟೋಪಸ್’ ಗಮನ ಸೆಳೆದಿತ್ತು. ಇದೀಗ ಪಂದ್ಯ ಗೆಲ್ಲಲಿರುವ ತಂಡವನ್ನು ತೋರುವ ಸರದಿ ಹಿಮಕರಡಿಯದ್ದು!
ಪಾದ ಒತ್ತಿ ಅಥವಾ ಚೆಂಡನ್ನು ಎಸೆದು ಪಂದ್ಯ ಗೆಲ್ಲುವ ತಂಡವನ್ನು ಸೂಚಿಸುತ್ತಿರುವ ‘ಹಿಮಕರಡಿ ನಿಕಾ’ ಪುಟ್ಬಾಲ್ ಪ್ರಿಯರಲ್ಲಿ ಕುತೂಹಲ ಹೆಚ್ಚಿಸಿದೆ.
ರಷ್ಯಾದ ಮಾಸ್ಕೋದಿಂದ 100 ಕಿ.ಮೀ. ದೂರದ ಪ್ರಾಣಿಸಂಗ್ರಹಾಲದಲ್ಲಿರುವ ಹಿಮಕರಡಿ ನಿಕಾ 2018ರ ಫಿಫಾ ವಿಶ್ವಕಪ್ ಹಾಗೂ 2017ರ ಫಿಫಾ ಕನ್ಫೆಡೆರೇಷನ್ಸ್ ಕಪ್ ಭವಿಷ್ಯ ತೋರಲಿದೆ ಎನ್ನುತ್ತಾರೆ ಪ್ರಾಣಿ ಸಂಗ್ರಹಾಲಯದ ಅಧಿಕಾರಿಗಳು.
ಫುಟ್ಬಾಲ್ ಪಂದ್ಯಗಳಲ್ಲಿ ಯಾವ ಕ್ಷಣದಲ್ಲಾದರೂ ಫಲಿತಾಂಶ ಬದಲಾಗುವ ಸಾಧ್ಯತೆ ಹೆಚ್ಚು. ಆದರೆ, ನಿಕಾ ಹೆಸರಿನ ಹೆಣ್ಣು ಹಿಮಕರಡಿ ಪಂದ್ಯಕ್ಕೂ ಮುನ್ನವೇ ಫಲಿತಾಂಶ ಹೇಳುತ್ತಿದೆ.
</p><p><strong>ತಿಂಡಿ ತಿಂದು ಭವಿಷ್ಯ:</strong><br/> ಉಭಯ ತಂಡಗಳ ರಾಷ್ಟ್ರಧ್ವಜ ಅಂಟಿಸಿದ ಬಟ್ಟಲುಗಳಲ್ಲಿ ಹಿಮಕರಡಿಗೆ ನೆಚ್ಚಿನ ತಿನಿಸು ಇಡಲಾಗಿರುತ್ತದೆ. ನಿಕಾ ತಿಂಡಿ ತಿನ್ನುವ ಬಟ್ಟಲಿನಲ್ಲಿ ಯಾವ ತಂಡದ ಧ್ವಜವಿದೆಯೋ ಅದೇ ತಂಡಕ್ಕೆ ಗೆಲುವು. ಪಂದ್ಯಕ್ಕೂ ಮುನ್ನ ಸೂಚಿಸಿರುವ ಭವಿಷ್ಯದ ವಿಡಿಯೋಗಳು ಯೂಟ್ಯೂಬ್ನಲ್ಲಿ ಪ್ರಕಟಿಸಲಾಗಿದೆ.</p></p>
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.