ಬಸಂತ್ ಕಪ್ ಟೆನಿಸ್ ಟೂರ್ನಿ

ಮೈಸೂರು: ಇನ್ನರ್‌ವ್ಹೀಲ್ ಕ್ಲಬ್ (ಮೈಸೂರು ಸೆಂಟ್ರಲ್), ಅಖಿಲ ಭಾರತ ಟೆನಿಸ್ ಸಂಸ್ಥೆ ಮತ್ತು ಕರ್ನಾಟಕ ರಾಜ್ಯ ಲಾನ್ ಟೆನಿಸ್ ಸಂಸ್ಥೆ ಆಶ್ರಯದಲ್ಲಿ ಏಪ್ರಿಲ್ 27ರಿಂದ ಮೇ 4ರವರೆಗೆ `ಬಸಂತ್ ಕಪ್-2012~ ಅಖಿಲ ಭಾರತ ರಾಷ್ಟ್ರೀಯ ರ‌್ಯಾಂಕಿಂಗ್ ಚಾಂಪಿಯನ್‌ಷಿಪ್ ಸಿರೀಸ್ ಟೆನಿಸ್ ಟೂರ್ನಿ ನಡೆಯಲಿದೆ.

ಮೈಸೂರು ಟೆನಿಸ್ ಕ್ಲಬ್‌ನ ಸಿಂಥೆಟಿಕ್ ಕೋರ್ಟ್‌ಗಳಲ್ಲಿ ನಡೆಯಲಿರುವ ಟೂರ್ನಿಯಲ್ಲಿ 16 ಮತ್ತು 18 ವರ್ಷದೊಳಗಿನ ವಯೋಮಿತಿ ಬಾಲಕ-ಬಾಲಕಿಯರ ವಿಭಾಗದ ಪಂದ್ಯಗಳು ನಡೆಯಲಿವೆ.
 
ದೇಶದ ವಿವಿಧ ರಾಜ್ಯಗಳಿಂದ 400 ಆಟಗಾರರು ಭಾಗವಹಿಸಲಿದ್ದಾರೆ ಎಂದು ಮಂಗಳವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಸಂಘಟನಾ ಅಧ್ಯಕ್ಷೆ ಪೂರ್ಣಿಮಾ ವಿಶ್ವನಾಥ್ ತಿಳಿಸಿದರು.

ಏಪ್ರಿಲ್ 27 ಮತ್ತು 28ರಂದು ಟೂರ್ನಿಯ ಅರ್ಹತಾ ಸುತ್ತಿನ ಪಂದ್ಯಗಳು ನಡೆಯಲಿವೆ.