ಬ್ಯಾಸ್ಕೆಟ್‌ಬಾಲ್: ಭಾರತಕ್ಕೆ ಸೋಲು

ನವದೆಹಲಿ (ಪಿಟಿಐ): ಅಷ್ಟೇನೂ ಗಮನಾರ್ಹವಲ್ಲದ ಪ್ರದರ್ಶನ ನೀಡಿದ ಭಾರತ ತಂಡದವರು ಚೀನಾದಲ್ಲಿ ಆರಂಭವಾದ ಎಫ್‌ಐಬಿಎ ಏಷ್ಯಾ ಬ್ಯಾಸ್ಕೆಟ್‌ಬಾಲ್ ಚಾಂಪಿಯನ್‌ಷಿಪ್‌ನ ಮೊದಲ ಪಂದ್ಯದಲ್ಲಿ ಸೋಲು ಕಂಡರು.

ಗುರುವಾರ ನಡೆದ ಪಂದ್ಯದಲ್ಲಿ `ಎ~ ಗುಂಪಿನಲ್ಲಿರುವ ಭಾರತ 68-71ಪಾಯಿಂಟ್‌ಗಳಿಂದ ಲಿಬನಾನ್ ಎದುರು ಸೋಲು ಅನುಭವಿಸಿತು.

ವಿರಾಮದ ಬಳಿಕ ಭಾರತದ ಹರೀಶ್ ಕೊರಾಠಿ 13 ಪಾಯಿಂಟ್ ಕಲೆ ಹಾಕಿದರು. ಎರಡನೇ ಪಂದ್ಯದಲ್ಲಿ ಭಾರತ ಮಲೇಷ್ಯಾ ಎದುರು ಆಡಲಿದೆ.