ಬ್ಯಾಸ್ಕೆಟ್‌ಬಾಲ್: ಸದರ್ನ್ ಬ್ಲೂಸ್‌ಗೆ ರೋಚಕ ಗೆಲುವು

ಬೆಂಗಳೂರು: ಸಮರ್ಥ್ ತಂದಿತ್ತ 23 ಪಾಯಿಂಟ್‌ಗಳ ನೆರವಿನಿಂದ ಸದರ್ನ್ ಬ್ಲೂಸ್ ತಂಡ ರಾಜ್ಯ `ಬಿ~ ಡಿವಿಷನ್ ಲೀಗ್ ಬ್ಯಾಸ್ಕೆಟ್‌ಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ಗೆಲುವು ಪಡೆಯಿತು. ಕಂಠೀರವ ಕ್ರೀಡಾಂಗಣದ ಬ್ಯಾಸ್ಕೆಟ್‌ಬಾಲ್ ಕೋರ್ಟ್‌ನಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಬ್ಲೂಸ್ ತಂಡ 59-51 ರಲ್ಲಿ ಕನಕ ಕೋಲಾರ ತಂಡವನ್ನು ಮಣಿಸಿತು.

ಮತ್ತೊಂದು ಪಂದ್ಯದಲ್ಲಿ ಜೆಎಸ್‌ಸಿ 55- 49 ರಲ್ಲಿ ಮಂಗಳೂರಿನ ಕೆ.ಎಸ್. ಹೆಗ್ಡೆ ವಿರುದ್ಧ ಜಯ ಸಾಧಿಸಿತು. ವಿರಾಮದ ವೇಳೆಗೆ ವಿಜಯಿ ತಂಡ 26-22 ರಲ್ಲಿ ಮುನ್ನಡೆ ಪಡೆದಿತ್ತು. ಇತರ ಪಂದ್ಯಗಳಲ್ಲಿ ಬೀಗಲ್ಸ್ 46-28 ರಲ್ಲಿ ಬಿಎಸ್‌ಎನ್‌ಎಲ್ ವಿರುದ್ಧವೂ, ಸ್ಪೋರ್ಟ್ಸ್ ಹಾಸ್ಟೆಲ್ 71-48 ರಲ್ಲಿ ನ್ಯಾಷನಲ್ಸ್ ಮೈಸೂರು ಎದುರೂ ಗೆಲುವು ಪಡೆದವು.