ಮಹಿಳಾ ಕ್ರಿಕೆಟ್‌: 27ಕ್ಕೆ ಪ್ರತಿಭಾನ್ವೇಷಣೆ ಕಾರ್ಯಕ್ರಮ

ಬೆಂಗಳೂರು: ಬಲಿಷ್ಠ ಮಹಿಳಾ ಕ್ರಿಕೆಟ್‌ ತಂಡ ಕಟ್ಟಲು ಮುಂದಾಗಿರುವ ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆ (ಕೆಎಸ್‌ಸಿಎ) ಇದಕ್ಕಾಗಿ ಮೇ 27ರಂದು ಪ್ರತಿಭಾನ್ವೇಷಣೆ ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಭಾನುವಾರ ಬೆಳಿಗ್ಗೆ 9.30ರಿಂದ ಕೆಎಸ್‌ಸಿಎ–ಬಿ ಕ್ರೀಡಾಂಗಣದಲ್ಲಿ ಪ್ರತಿಭಾನ್ವೇಷಣೆ ನಡೆಯಲಿದೆ. 19 ವರ್ಷದೊಳಗಿನ ಬೆಂಗಳೂರಿನ ಯುವತಿಯರು ಇದರಲ್ಲಿ ಭಾಗವಹಿಸಬಹುದು.

ಹೆಚ್ಚಿನ ಮಾಹಿತಿಗೆ ದೂರವಾಣಿ ಸಂಖ್ಯೆ 22863298 ಅಥವಾ 40154015ಗೆ ಸಂಪರ್ಕಿಸಬಹುದು.