ರಾಯಭಾರಿ ಸ್ಥಾನ ಕ್ರೀಡಾಪಟುಗಳಿಗೆ ಸಿಗಬೇಕು

ಚಂಡೀಗಡ (ಪಿಟಿಐ):  ಕ್ರೀಡಾಪಟುಗಳನ್ನು ರಾಜ್ಯಪಾಲರನ್ನಾಗಿ ಹಾಗೂ ರಾಯಭಾರಿಗಳನ್ನಾಗಿ ನೇಮಕ ಮಾಡಬೇಕು ಎಂದು ಮಾಜಿ ಅಥ್ಲೀಟ್ ಮಿಲ್ಖಾ ಸಿಂಗ್ ಒತ್ತಾಯಿಸಿದ್ದಾರೆ.

ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ಅವರನ್ನು ಮೇಲ್ಮನೆ ಸದಸ್ಯರನ್ನಾಗಿ ನೇಮಕ ಮಾಡಿದ್ದು ಸ್ವಾಗತಾರ್ಹ ಎಂದಿರುವ ಅವರು ಇದೊಂದು ವಿಶೇಷವಾದ ಬೆಳವಣಿಗೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.

`ಈ ಮುನ್ನ ಕೇವಲ ರಾಜಕಾರಣಿಗಳು, ಕಲಾವಿದರು ಹಾಗೂ ಮಾಜಿ ಆಡಳಿತಗಾರರಿಗೆ ಆದ್ಯತೆ ನೀಡುತ್ತ ಬರಲಾಗಿತ್ತು. ಆದರೆ ಈಗ ಕ್ರೀಡಾಪಟುಗಳನ್ನೂ ಗಣನೆಗೆ ತೆಗೆದುಕೊಂಡಿದ್ದು ಮೆಚ್ಚುವ ಅಂಶ~ ಎಂದು ಅವರು ಹೇಳಿದ್ದಾರೆ.