ವಾರಿಯರ್ಸ್‌ಗೆ ಕಾಡುವುದೇ ಡೆವಿಲ್ಸ್?

ನವದೆಹಲಿ (ಐಎಎನ್‌ಎಸ್): ಸತತ ಮೂರು ಪಂದ್ಯಗಳಲ್ಲಿ ಗೆದ್ದಿರುವ ಡೆಲ್ಲಿ ಡೇರ್‌ಡೆವಿಲ್ಸ್ ತಂಡದವರು ಐಪಿಎಲ್ ಟ್ವೆಂಟಿ-20 ಟೂರ್ನಿಯ ಐದನೇ       ಅವತರಣಿಕೆಯಲ್ಲಿ ಯಶಸ್ಸಿನ ಓಟ ಮುಂದುವರಿಸುವ ಭರವಸೆ ಹೊಂದಿದ್ದಾರೆ.

ಫಿರೋಜ್ ಷಾ ಕೋಟ್ಲಾ ಕ್ರೀಡಾಂಗಣದಲ್ಲಿ ಗುರುವಾರ ಡೆಕ್ಕನ್ ಚಾರ್ಜಸ್ ಎದುರು ಐದು ವಿಕೆಟ್‌ಗಳ ಅಂತರದಿಂದ ಜಯಿಸಿದ `ವೀರೂ~ ಪಡೆಯು ಪುಣೆ ವಾರಿಯರ್ಸ್ ಎದುರು ಶನಿವಾರದ ಪಂದ್ಯದಲ್ಲಿಯೂ ಗೆಲ್ಲುವ ಮಹತ್ವಾಕಾಂಕ್ಷೆ ಹೊಂದಿದೆ.

ಲೀಗ್ ಪಾಯಿಂಟುಗಳ ಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಳ್ಳುವುದು ಡೆವಿಲ್ಸ್ ಉದ್ದೇಶವಾಗಿದೆ. 
 ಪಂದ್ಯ ಆರಂಭ: ರಾತ್ರಿ 8.00ಕ್ಕೆ