ಸ್ಪೇನ್‌ಗೆ ಮಣಿದ ಅರ್ಜೆಂಟೀನಾ
Published 28 ಮಾರ್ಚ್ 2018, 19:30 IST
ಅರ್ಜೆಂಟೀನಾ ಎದುರಿನ ಪಂದ್ಯದಲ್ಲಿ ಹ್ಯಾಟ್ರಿಕ್‌ ಗೋಲು ದಾಖಲಿಸಿದ ಸ್ಪೇನ್‌ ತಂಡದ ಐಸಾಕೊ ಸಂಭ್ರಮ ಎಎಫ್‌ಪಿ ಚಿತ್ರ
ಮ್ಯಾಡ್ರಿಡ್‌: ಐಸಾಕೊ ಗಳಿಸಿದ ಹ್ಯಾಟ್ರಿಕ್‌ ಗೋಲಿನ ನೆರವಿನಿಂದ ಸ್ಪೇನ್‌ ತಂಡ ವಿಶ್ವಕಪ್‌ ಅರ್ಹತಾ ಫುಟ್‌ಬಾಲ್‌ ಟೂರ್ನಿಯ ಸೌಹಾರ್ದ ಪಂದ್ಯದಲ್ಲಿ ಜಯಭೇರಿ ಮೊಳಗಿಸಿದೆ.
ಬುಧವಾರ ನಡೆದ ಹೋರಾಟದಲ್ಲಿ ಸ್ಪೇನ್‌ 6–1 ಗೋಲುಗಳಿಂದ ಅರ್ಜೆಂಟೀನಾವನ್ನು ಸೋಲಿಸಿತು.
ಗಾಯದಿಂದಾಗಿ ಪ್ರಮುಖ ಆಟಗಾರ ಲಯೊನೆಲ್‌ ಮೆಸ್ಸಿ ಈ ಪಂದ್ಯದಲ್ಲಿ ಕಣಕ್ಕಿಳಿಯಲಿಲ್ಲ. ಅವರ ಅನುಪಸ್ಥಿತಿಯಲ್ಲಿ ಅರ್ಜೆಂಟೀನಾ ಸಂಪೂರ್ಣವಾಗಿ ಸೊರಗಿದಂತೆ ಕಂಡಿತು.
ಈ ತಂಡದ ನಿಕೊಲಸ್‌ 39ನೇ ನಿಮಿಷದಲ್ಲಿ ಗೋಲು ಗಳಿಸಿದರು. ಸ್ಪೇನ್‌ ತಂಡದ ಐಸಾಕೊ 27, 52 ಮತ್ತು 74ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರು. ಡಿಯಾಗೊ ಕೋಸ್ಟಾ (12), ತಿಯಾಗೊ ಅಲಕಾಂಟರ (55) ಮತ್ತು ಇಯಾಗೊ ಅಸ್ಪಸ್‌ (73) ತಲಾ ಒಂದು ಗೋಲು ದಾಖಲಿಸಿ ಜಯದ ಅಂತರ ಹೆಚ್ಚಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.