ಹಾಕಿ ಸರಣಿ: ಕರ್ನಾಟಕಕ್ಕೆ ಮತ್ತೆ ಸೋಲಿನ ಕಹಿ

ಜಲಂಧರ್ (ಪಿಟಿಐ): ಚುರುಕಿನ ಆಟದ ಮೂಲಕ ಸ್ಥಳೀಯ ಪ್ರೇಕ್ಷಕರನ್ನು ರಂಜಿಸಿದ ಶೇರ್ -ಎ- ಪಂಜಾಬ್ ತಂಡದವರು ಇಲ್ಲಿ ನಡೆದ ಚೊಚ್ಚಲ ವಿಶ್ವ ಹಾಕಿ ಸರಣಿಯ ಪಂದ್ಯದಲ್ಲಿ ಸುಲಭ ಗೆಲುವು ದಾಖಲಿಸಿದರು.

ಶನಿವಾರ ನಡೆದ ಪಂದ್ಯದಲ್ಲಿ ಪಂಜಾಬ್ 6-1ಗೋಲುಗಳಿಂದ ಕರ್ನಾಟಕ ಲಯನ್ಸ್ ತಂಡವನ್ನು ಸೋಲಿಸಿತು.
ಹಾಕಿ ಸರಣಿಯಲ್ಲಿ ಕರ್ನಾಟಕ ತಂಡಕ್ಕೆ ಎದುರಾದ ಎರಡನೇ ಸೋಲು ಇದು. ಮೊದಲ ಪಂದ್ಯದಲ್ಲಿ ಡೆಲ್ಲಿ ವಿಜಾರ್ಡ್ಸ್ ಎದುರು ಸೋಲು ಕಂಡಿತ್ತು.