ನವದೆಹಲಿ: ಒಲಿಂಪಿಕ್ಸ್ನಲ್ಲಿ ಚಿನ್ನ ಗೆದ್ದಿದ್ದ ಹೆಲೆನ್ ಮರೌಲಿಸ್ಗೆ ಆಘಾತ ನೀಡಿದ ಪೂಜಾ ಧಾಂಡಾ, ಪಂಜಾಬ್ ರಾಯಲ್ಸ್ ಪಾಳಯದಲ್ಲಿ ಖುಷಿ ಮೂಡಿಸಿದರು.
ಪೂಜಾ ಅವರ ಶ್ರೇಷ್ಠ ಆಟದ ಬಲದಿಂದ ರಾಯಲ್ಸ್ ತಂಡ ಪ್ರೊ ಕುಸ್ತಿ ಲೀಗ್ನಲ್ಲಿ ಪ್ರಶಸ್ತಿ ಗೆದ್ದುಕೊಂಡಿತು.
ಶುಕ್ರವಾರ ನಡೆದ ಹೋರಾಟದಲ್ಲಿ ಪಂಜಾಬ್ 44–35 ಪಾಯಿಂಟ್ಸ್ನಿಂದ ಹರಿಯಾಣ ಹ್ಯಾಮರ್ಸ್ ತಂಡವನ್ನು ಸೋಲಿಸಿತು.
2013 ಮತ್ತು 2017ರಲ್ಲಿ ಕಾಮನ್ವೆಲ್ತ್ ಕ್ರೀಡಾಕೂಟದಲ್ಲಿ ಚಿನ್ನ ಗೆದ್ದಿದ್ದ ಪೂಜಾ 57 ಕೆ.ಜಿ. ವಿಭಾಗದಲ್ಲಿ 3–2ರಿಂದ ಹೆಲೆನ್ ಸವಾಲು ಮೀರಿದರು. ಇನ್ನೊಂದು ಹೋರಾಟದಲ್ಲಿ ಜುರಾಬಿ ಇಯಾಕೊಬಿಶ್ವಿಲಿ 4–0 ರಿಂದ ಎದುರಾಳಿಯನ್ನು ಹಣಿದರು.
ಹರಿಯಾಣ ತಂಡದ ವ್ಲಾದಿಮಿರ್ ಮೊದಲ ಹೋರಾಟದಲ್ಲಿ 4–0ರಿಂದ ನವೀನ್ ಕುಮಾರ್ ಎದುರು ಗೆದ್ದಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.