ಎಲ್‌ಎಲ್‌ಸಿಗೆ ಅಮಿತಾಭ್ ರಾಯಭಾರಿ

ಬೆಂಗಳೂರು: ಬಾಲಿವುಡ್‌ನ ಖ್ಯಾತ ಹಿರಿಯನಟ ಅಮಿತಾಬ್ ಬಚ್ಚನ್ ನಿವೃತ್ತ ಅಂತರರಾಷ್ಟ್ರೀಯ ಕ್ರಿಕೆಟ್ ಆಟಗಾರರನ್ನೊಳಗೊಂಡ ಲೆಜೆಂಡ್ಸ್ ಲೀಗ್‍ ಕ್ರಿಕೆಟ್‌ನ ರಾಯಭಾರಿಯಾಗಿದ್ದಾರೆ.

ಅವರೊಂದಿಗೆ ಒಪ್ಪಂದ ಮಾಡಿಕೊಂಡಿರುವುದಾಗಿ ಲೀಗ್‌ ಆಡಳಿತ ಪ್ರಕಟಣೆಯಲ್ಲಿ ತಿಳಿಸಿದೆ. ಲೀಗ್ ಬಗ್ಗೆ ಪ್ರತಿಕ್ರಿಯಿಸಿರುವ ಅಮಿತಾಬ್ ‘ಹಳೆಯ ನೆನಪುಗಳನ್ನು ಮೆಲುಕು ಹಾಕಲು ಇದು ಉತ್ತಮ ವೇದಿಕೆಯಾಗಲಿದ್ದು ಪಂದ್ಯಗಳನ್ನು ವೀಕ್ಷಿಸಲು ಕಾತರನಾಗಿದ್ದೇನೆ’ ಎಂದಿದ್ದಾರೆ. ಭಾರತ, ಏಷ್ಯಾ ಮತ್ತು ವಿಶ್ವ ಇತರೆ ತಂಡಗಳ ನಡುವೆ ನಡೆಯಲಿರುವ ಲೀಗ್‌ನ ಪಂದ್ಯಗಳಿಗೆ ಒಮನ್‍ನ ಅಲ್ ಅಮೆರತ್ ಕ್ರೀಡಾಂಗಣ ಮುಂದಿನ ವರ್ಷದ ಜನವರಿಯಲ್ಲಿ ಆತಿಥ್ಯ ನೀಡಲಿದೆ.