ಹರ್ಭಜನ್‌-ಗೀತಾ ಬಸ್ರಾ ದಂಪತಿಗೆ ಗಂಡು ಮಗು ಜನನ
ನವದೆಹಲಿ:ಭಾರತದ ಹಿರಿಯ ಕ್ರಿಕೆಟಿಗ ಹರ್ಭಜನ್‌ ಸಿಂಗ್‌ ಅವರ ಪತ್ನಿ ನಟಿ ಗೀತಾ ಬಸ್ರಾ ಗಂಡು ಮಗುವಿಗೆ ಜನ್ಮ ನೀಡಿದ್ದಾರೆ. ಎರಡನೇ ಮಗುವಿನ ತಂದೆಯಾದ ಸಂಭ್ರಮದಲ್ಲಿರುವ ಹರ್ಭಜನ್‌ ಈ ವಿಚಾರವನ್ನು ಟ್ವಿಟರ್‌ ಮೂಲಕ ಹಂಚಿಕೊಂಡಿದ್ದಾರೆ.
ʼನಾವು ಹಿಡಿದು ಮುನ್ನಡೆಸಲು ಪುಟ್ಟ ಕೈಗಳ ಆಗಮನವಾಗಿದೆ. ಆತನ ಪ್ರೀತಿಮಹೋನ್ನತವಾದುದು.ಚಿನ್ನದಂತೆ ಅಮೂಲ್ಯವಾದುದು. ಇದು ನಮಗೆ ವಿಶೇಷ ಮತ್ತು ಸಿಹಿಯಾದ ಅದ್ಭುತವಾದ ಉಡುಗೊರೆ. ನಮ್ಮ ಹೃದಯಗಳು ತುಂಬಿ ಬಂದಿವೆ. ನಮ್ಮ ಜೀವನ ಪರಿಪೂರ್ಣವಾಗಿದೆ. ಆರೋಗ್ಯಯುತ ಗಂಡು ಮಗು ಕರುಣಿಸಿದ ದೇವರಿಗೆ ಧನ್ಯವಾದ ಹೇಳುತ್ತೇನೆ. ಗೀತಾ ಮತ್ತು ಮಗು ಇಬ್ಬರೂ ಆರೋಗ್ಯವಾಗಿದ್ದಾರೆʼ ಎಂದು ತಿಳಿಸಿದ್ದಾರೆ.
ʼನಾವು ಸಂತೋಷದಲ್ಲಿ ಮುಳುಗಿದ್ದೇವೆ.ನಮಗೆ ನಿರಂತರವಾಗಿ ಪ್ರೀತಿ ಮತ್ತು ಬೆಂಬಲ ನೀಡಿದ ಎಲ್ಲ ಹಿತೈಷಿಗಳಿಗೆ ಕೃತಜ್ಞತೆ ಅರ್ಪಿಸುತ್ತೇವೆʼ ಎಂದೂ ಸಂತಸ ಹಂಚಿಕೊಂಡಿದ್ದಾರೆ.
ಗೀತಾ ಮತ್ತು ಹರ್ಭಜನ್‌2015ರ ಅಕ್ಟೋಬರ್‌ 29 ರಂದು ವಿವಾಹವಾಗಿದ್ದರು. ಹಿನಯ ಎಂಬ ಹೆಣ್ಣು ಮಗು ಇದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.