IPL 2021 | PBKS vs DC: ಮಯಂಕ್ ಮೀರಿಸಿದ ಗಬ್ಬರ್ ಆಟ; ಡೆಲ್ಲಿಗೆ 7 ವಿಕೆಟ್ ಜಯ
ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಭಾನುವಾರ ಅಹಮದಾಬಾದ್‌ನಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಏಳು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ. ಈ ಮೂಲಕ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಶಿಖರ್ ಧವನ್ ಆಕರ್ಷಕ ಅರ್ಧಶತಕ (69*) ಬಾರಿಸುವ ಮೂಲಕ ಡೆಲ್ಲಿ ಗೆಲುವನ್ನು ಸುಲಭಗೊಳಿಸಿದರು. ಅತ್ತ ಪಂಜಾಬ್ ಉಸ್ತುವಾರಿ ನಾಯಕ ಮಯಂಕ್ ಅಗರವಾಲ್ ಹೋರಾಟವು (ಅಜೇಯ 99) ವ್ಯರ್ಥವೆನಿಸಿತು.
ಡೆಲ್ಲಿ ನಂ.1
ಡೆಲ್ಲಿ ದರ್ಬಾರ್
ಮಯಂಕ್ ಹೋರಾಟ ವ್ಯರ್ಥ; ಡೆಲ್ಲಿ ವಿರುದ್ಧ ಮುಗ್ಗರಿಸಿದ ಪಂಜಾಬ್
ಡೆಲ್ಲಿಗೆ 7 ವಿಕೆಟ್ ಅಂತರದ ಭರ್ಜರಿ ಗೆಲುವು
ಅಹಮದಾಬಾದ್: ಗಬ್ಬರ್ ಖ್ಯಾತಿಯ ಶಿಖರ್ ಧವನ್ ಆಕ್ರಮಣಕಾರಿ ಅರ್ಧಶತಕದ (69*) ಬೆಂಬಲದೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಪಂಜಾಬ್ ಕಿಂಗ್ಸ್ ವಿರುದ್ಧ ಅಹಮದಾಬಾದ್‌ನಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಏಳು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ.
ಇದರೊಂದಿಗೆ ಆಡಿರುವ ಎಂಟು ಪಂದ್ಯಗಳಲ್ಲಿ ಆರು ಗೆಲುವುಗಳೊಂದಿಗೆ ಒಟ್ಟು 12 ಅಂಕಗಳನ್ನು ಸಂಪಾದಿಸಿರುವ ರಿಷಭ್ ಪಂತ್ ಬಳಗವು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ. ಅತ್ತ ಪಂಜಾಬ್ ಎಂಟು ಪಂದ್ಯಗಳಲ್ಲಿ ಆರು ಅಂಕಗಳೊಂದಿಗೆ ಆರನೇ ಸ್ಥಾನದಲ್ಲೇ ಮುಂದುವರಿದಿದೆ.
ಮೊದಲು ಬ್ಯಾಟಿಂಗ್ ನಡೆಸಿದ ಪಂಜಾಬ್, ಉಸ್ತುವಾರಿ ಕ್ಯಾಪ್ಟನ್ ಮಯಂಕ್ ಅಗರವಾಲ್ ಅಜೇಯ 99 ರನ್ ಬೆಂಬಲದೊಂದಿಗೆ 166 ರನ್‌ಗಳ ಸವಾಲಿನ ಮೊತ್ತ ಪೇರಿಸಿತ್ತು.
ಬಳಿಕ ಗುರಿ ಬೆನ್ನತ್ತಿದ ಡೆಲ್ಲಿಗೆ ಅನುಭವಿ ಶಿಖರ್ ಧವನ್ ಹಾಗೂ ಯುವ ಸ್ಫೋಟಕ ಬ್ಯಾಟ್ಸ್‌ಮನ್ ಪೃಥ್ವಿ ಶಾ ಮಗದೊಮ್ಮೆ ಬಿರುಸಿನ ಆರಂಭವೊದಗಿಸಿದರು. ಇವರಿಬ್ಬರು ಮೊದಲ ವಿಕೆಟ್‌ಗೆ 6.1 ಓವರ್‌ಗಳಲ್ಲೇ 63 ರನ್ ಪೇರಿಸಿದರು.
ಈ ಹಂತದಲ್ಲಿ ಅಪಾಯಕಾರಿಯಾಗಿ ಮುನ್ನುಗ್ಗುತ್ತಿದ್ದ ಶಾ ಅವರನ್ನು ಹರ್‌ಪ್ರೀತ್ ಬ್ರಾರ್ ಕ್ಲೀನ್ ಬೌಲ್ಡ್. ಕಳೆದ ಪಂದ್ಯದಲ್ಲಿ ಕೊಹ್ಲಿ, ಮ್ಯಾಕ್ಸ್‌ವೆಲ್, ಎಬಿ ಡಿ ವಿಕೆಟ್ ಪಡೆದಿದ್ದ ಹರ್‌ಪ್ರೀತ್ ಮಗದೊಮ್ಮೆ ಮೋಡಿ ಮಾಡುವ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿತ್ತು.
ಇದಕ್ಕೆ ಧವನ್ ಹಾಗೂ ಸ್ಟೀವನ್ ಸ್ಮಿತ್ (24) ಅವಕಾಶ ನೀಡಲಿಲ್ಲ. ಸ್ಮಿತ್ ಜೊತೆಗೂ 48 ರನ್ ಜೊತೆಯಾಟದಲ್ಲಿ ಭಾಗಿಯಾದ ಧವನ್ ಡೆಲ್ಲಿಯನ್ನು ಗೆಲುವಿನತ್ತ ಮುನ್ನಡೆಸಿದರು.
ಕೇವಲ 35 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದ ಧವನ್ ಬಳಿಕ ನಾಯಕ ರಿಷಭ್ ಪಂತ್ (14) ಹಾಗೂ ಶಿಮ್ರಾನ್ ಹೆಟ್ಮೆಯರ್ (16*) ಜೊತೆಗೂಡಿ ತಂಡವನ್ನು ಗೆಲುವಿನ ದಡ ತಲುಪಿಸಿದರು. ಈ ಮೂಲಕ 17.4 ಓವರ್‌ಗಳಲ್ಲಿ ಮೂರು ವಿಕೆಟ್ ನಷ್ಟಕ್ಕೆ ಗುರಿ ತಲುಪಿತ್ತು.
47 ಎಸೆತಗಳನ್ನು ಎದುರಿಸಿದ ಧವನ್ ಆರು ಬೌಂಡರಿ ಹಾಗೂ ಎರಡು ಸಿಕ್ಸರ್ ನೆರವಿನಿಂದ 69 ರನ್ ಗಳಿಸಿ ಅಜೇಯರಾಗುಳಿದರು.
ಗೆಲುವಿನತ್ತ ಡೆಲ್ಲಿ
35 ಎಸೆತಗಳಲ್ಲಿ ಧವನ್ ಫಿಫ್ಟಿ ಸಾಧನೆ
ಮತ್ತೆ ಕೈಚಳಕ ತೋರಿದ ಹರ್‌ಪ್ರೀತ್ ಬ್ರಾರ್
ಪವರ್ ಪ್ಲೇನಲ್ಲಿ 63/0
ರಾಹಲ್ ಅನುಪಸ್ಥಿತಿಯಲ್ಲಿ ನಾಯಕತ್ವ ಹೊಣೆಯನ್ನು ಸಮರ್ಥವಾಗಿ ನಿಭಾಯಿಸಿದ ಮಯಂಕ್
ಮಯಂಕ್ ಮಾಸ್ಟರ್ ಕ್ಲಾಸ್ ಆಟ
ಅಜೇಯ 99 ರನ್ ಗಳಿಸಿದ ಮಯಂಕ್
ಉಸ್ತುವಾರಿ ನಾಯಕ ಮಯಂಕ್ ಅಗರವಾಲ್ ಬಿರುಸಿನ ಅರ್ಧಶತಕದ (99*) ನೆರವಿನಿಂದ ಪಂಜಾಬ್ ಕಿಂಗ್ಸ್ ತಂಡವು ಇಲ್ಲಿನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಆರು ವಿಕೆಟ್ ನಷ್ಟಕ್ಕೆ 166 ರನ್‌ಗಳ ಸವಾಲಿನ ಮೊತ್ತ ಪೇರಿಸಿದೆ.
ಪಂದ್ಯ ಆರಂಭಕ್ಕೂ ಕೆಲವೇ ತಾಸಿಗೂ ಮೊದಲು ನಾಯಕ ಕೆ.ಎಲ್. ರಾಹುಲ್ ಅನಾರೋಗ್ಯಕ್ಕೆ ತುತ್ತಾಗಿರುವುದು ಪಂಜಾಬ್ ಹಿನ್ನೆಡೆಗೆ ಕಾರಣವಾಗಿತ್ತು. ಪರಿಣಾಮ ತಂಡವನ್ನು ಮುನ್ನಡೆಸುವ ಜವಾಬ್ದಾರಿ ಉಸ್ತುವಾರಿ ನಾಯಕ ಮಯಂಕ್ ಅಗರವಾಲ್ ಹೆಗಲ ಮೇಲಾಯಿತು.
ಇವರಿಗೆ ಆರಂಭಿಕ ಪ್ರಭ್‌ಸಿಮ್ರಾನ್ ಸಿಂಗ್ (12) ಅವರಿಂದ ಉತ್ತಮ ಸಾಥ್ ದೊರಕಲಿಲ್ಲ. ಬೆನ್ನಲ್ಲೇ ಕ್ರಿಸ್ ಗೇಲ್ (13) ಹೊರದಬ್ಬಿದ ಕಗಿಸೋ ರಬಡ ಡಬಲ್ ಆಘಾತ ನೀಡಿದರು.
ಈ ಹಂತದಲ್ಲಿ ಜೊತೆಗೂಡಿದ ಮಯಕ್ ಹಾಗೂ ಚೊಚ್ಚಲ ಪಂದ್ಯ ಆಡುತ್ತಿರುವ ಡೇವಿಡ್ ಮಲನ್ ಮಹತ್ವದ ಅರ್ಧಶತಕದ ಜೊತೆಯಾಟದಲ್ಲಿ ಭಾಗಿಯಾದರು. ಈ ಜೋಡಿಯನ್ನು ಅಕ್ಷರ್ ಪಟೇಲ್ ಬೇರ್ಪಡಿಸಿದರು. ಮಲನ್ ಎಸೆತಕ್ಕೊಂದರಂತೆ 26 ರನ್ ಗಳಿಸಿದರು.
ಇದಾದ ಬೆನ್ನಲ್ಲೇ ದೀಪಕ್ ಹೂಡಾ ಕೂಡಾ ರನೌಟ್‌ಗೆ ಬಲಿಯಾದರು. 88 ರನ್ನಿಗೆ ನಾಲ್ಕು ವಿಕೆಟ್ ಕಳೆದುಕೊಂಡಿದ್ದ ಪಂಜಾಬ್ ಸಂಕಷ್ಟಕ್ಕೆ ಸಿಲುಕಿತ್ತು.
ಆದರೆ ವಿಕೆಟ್‌ನ ಇನ್ನೊಂದು ತುದಿಯಿಂದ ಕೆಚ್ಚೆದೆಯ ಬ್ಯಾಟಿಂಗ್ ಪ್ರದರ್ಶಿಸಿದ ಮಯಂಕ್ 37 ಎಸೆತಗಳಲ್ಲಿ ಅರ್ಧಶತಕ ಬಾರಿಸಿ ತಂಡವನ್ನು ಮೇಲೆತ್ತಿದರು. ಈ ಮಧ್ಯೆ ಶಾರೂಕ್ ಖಾನ್ (1), ಕ್ರಿಸ್ ಜಾರ್ಡನ್ (2) ವಿಕೆಟ್ ಪತನಗೊಂಡಿತ್ತು.
ಅತ್ತ ದಿಟ್ಟ ಹೋರಾಟ ನೀಡಿದ ಮಯಂಕ್, ಆವೇಶ್ ಖಾನ್ ಅಂತಿಮ ಓವರ್‌ನಲ್ಲಿ 23 ರನ್ ಸೊರೆಗೈದರಲ್ಲದೆ ಪಂಜಾಬ್ ತಂಡವನ್ನು ಸವಾಲಿನ ಮೊತ್ತ ಪೇರಿಸಲು ನೆರವಾದರು. ಹಾಗೊಂದು ವೇಳೆ ಅಂತಿಮ ಎಸೆತವನ್ನು ಸಿಕ್ಸರ್‌ಗಟ್ಟಿದರೆ ಮಯಂಕ್ ಶತಕವು ಪೂರ್ಣಗೊಳ್ಳುತ್ತಿತ್ತು. 58 ಎಸೆತಗಳನ್ನು ಎದುರಿಸಿದ ಮಯಂಕ್ ಎಂಟು ಬೌಂಡರಿ ಹಾಗೂ ನಾಲ್ಕು ಭರ್ಜರಿ ಸಿಕ್ಸರ್‌ಗಳ ನೆರವಿನಿಂದ 99 ರನ್ ಗಳಿಸಿ ಅಜೇಯರಾಗುಳಿದರು. ಪಂಜಾಬ್ ಪರ ರಬಡ ಮೂರು ವಿಕೆಟ್ ಕಬಳಿಸಿದರು.
ಪಂಜಾಬ್‌ಗೆ ರಾಹುಲ್ ಆಸರೆ
ಮಯಂಕ್ ಮಾಯೆ
ಮಲನ್, ಹೂಡಾ ವಿಕೆಟ್ ಪತನ
ಮಯಂಕ್-ಮಲನ್ ಉತ್ತಮ ಬ್ಯಾಟಿಂಗ್
ಯೂನಿವರ್ಸ್ ಬಾಸ್ ಔಟ್
<blockquote class="twitter-tweet"><p lang="en" dir="ltr"><a href="https://twitter.com/KagisoRabada25?ref_src=twsrc%5Etfw">@KagisoRabada25</a> is on 🔥🔥<br><br>Universe Boss gone!<a href="https://twitter.com/hashtag/PBKS?src=hash&ref_src=twsrc%5Etfw">#PBKS</a> lose 2️⃣ wickets in the powerplay.<br><br>Follow the game 👉 <a href="https://t.co/ttcOSSOJgc">https://t.co/ttcOSSOJgc</a><a href="https://twitter.com/hashtag/VIVOIPL?src=hash&ref_src=twsrc%5Etfw">#VIVOIPL</a> <a href="https://twitter.com/hashtag/PBKSvDC?src=hash&ref_src=twsrc%5Etfw">#PBKSvDC</a> <a href="https://t.co/ejpi2OypFE">pic.twitter.com/ejpi2OypFE</a></p>— IndianPremierLeague (@IPL) <a href="https://twitter.com/IPL/status/1388864801661587461?ref_src=twsrc%5Etfw">May 2, 2021</a></blockquote> <script async src="https://platform.twitter.com/widgets.js" charset="utf-8"></script>
ಕ್ರಿಸ್ ಗೇಲ್ ವಿಕೆಟ್ ಪತನ
ರಾಹುಲ್ ಅನುಪಸ್ಥಿತಿಯಲ್ಲಿ ಉಸ್ತುವಾರಿ ನಾಯಕ ಮಯಂಕ್ ಅಗರವಾಲ್ ಅವರೊಂದಿಗೆ ಪ್ರಭ್‌ಸಿಮ್ರಾನನ್ ಸಿಂಗ್ ಇನ್ನಿಂಗ್ಸ್ ಆರಂಭಿಸಿದರು. ಆದರೆ ಪ್ರಭ್ ಸಿಮ್ರಾನ್ (12) ಬೆನ್ನಲ್ಲೇ ಕ್ರಿಸ್ ಗೇಲ್ (13) ಹೊರದಬ್ಬಿದ ಕ್ರಿಸ್ ಗೇಲ್ ಡಬಲ್ ಆಘಾತ ನೀಡಿದರು.
ತಂಡಗಳು ಇಂತಿವೆ:
ಟಾಸ್ ಝಲಕ್
ರಾಹುಲ್ ಬದಲಿಗೆ ಮಯಂಕ್ ನಾಯಕ
ಅಪೆಂಡಿಸೈಟಸ್‌ನಿಂದ ಬಳಲುತ್ತಿರುವ ಕೆ.ಎಲ್. ರಾಹುಲ್
ಟಾಸ್ ಗೆದ್ದ ಪಂತ್ ಫೀಲ್ಡಿಂಗ್ ಆಯ್ಕೆ
ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಭಾನುವಾರ ಅಹಮದಾಬಾದ್‌ನಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದಿರುವ ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ ಮೊದಲು ಫೀಲ್ಡಿಂಗ್ ಆಯ್ದುಕೊಂಡಿದ್ದಾರೆ.
ರಾಹುಲ್ vs ಪಂತ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.