ರಾಜ್ಕೋಟ್ (ಪಿಟಿಐ): ಮಧ್ಯಮ ಮತ್ತು ಕೊನೆಯ ಕ್ರಮಾಂಕದ ಬ್ಯಾಟರ್ಗಳ ಛಲದ ಆಟದ ನೆರವಿನಿಂದ ಸೌರಾಷ್ಟ್ರ ತಂಡ, ಇರಾನಿ ಕಪ್ ಕ್ರಿಕೆಟ್ ಪಂದ್ಯದಲ್ಲಿ ರೆಸ್ಟ್ ಆಫ್ ಇಂಡಿಯಾ ವಿರುದ್ಧ ಮರುಹೋರಾಟ ನಡೆಸಿದೆ.
ಮೂರನೇ ದಿನವಾದ ಸೋಮವಾರದ ಆಟದ ಅಂತ್ಯಕ್ಕೆ ಸೌರಾಷ್ಟ್ರ ಎರಡನೇ ಇನಿಂಗ್ಸ್ನಲ್ಲಿ 8 ವಿಕೆಟ್ಗೆ 368 ರನ್ ಗಳಿಸಿದೆ. ಜಯದೇವ್ ಉನದ್ಕತ್ ಬಳಗ ಇದೀಗ 92 ರನ್ಗಳ ಮುನ್ನಡೆಯಲ್ಲಿದೆ.
2 ವಿಕೆಟ್ಗೆ 49 ರನ್ಗಳಿಂದ ಆಟ ಮುಂದುವರಿಸಿದ ಸೌರಾಷ್ಟ್ರ, 87 ರನ್ ಆಗುವಷ್ಟರಲ್ಲಿ 5 ವಿಕೆಟ್ ಕಳೆದುಕೊಂಡು ಇನಿಂಗ್ಸ್ ಸೋಲಿನ ಹಾದಿ ಹಿಡಿದಿತ್ತು. ಆದರೆ ಶೆಲ್ಡನ್ ಜಾಕ್ಸನ್, ಅರ್ಪಿತ್ ವಾಸವದ, ಪ್ರೇರಕ್ ಮಂಕಡ್ ಮತ್ತು ಜಯದೇವ್ ಉನದ್ಕತ್ ಅವರು ಅರ್ಧಶತಕ ಗಳಿಸಿ ಎದುರಾಳಿ ತಂಡವನ್ನು ಕಾಡಿದರು.
ಸಂಕ್ಷಿಪ್ತ ಸ್ಕೋರು: ಮೊದಲ ಇನಿಂಗ್ಸ್: ಸೌರಾಷ್ಟ್ರ 98, ರೆಸ್ಟ್ ಆಫ್ ಇಂಡಿಯಾ 110 ಓವರ್ಗಳಲ್ಲಿ 374. ಎರಡನೇ ಇನಿಂಗ್ಸ್; ಸೌರಾಷ್ಟ್ರ 98 ಓವರ್ಗಳಲ್ಲಿ 8 ವಿಕೆಟ್ಗೆ 368 (ಶೆಲ್ಡನ್ ಜಾಕ್ಸನ್ 71, ಅರ್ಪಿತ್ ವಾಸವದ 55, ಪ್ರೇರಕ್ ಮಂಕಡ್ 72, ಜಯದೇವ್ ಉನದ್ಕತ್ ಬ್ಯಾಟಿಂಗ್ 78, ಕುಲದೀಪ್ ಸೇನ್ 85ಕ್ಕೆ 3, ಸೌರಭ್ ಕುಮಾರ್ 80ಕ್ಕೆ 3)
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.