ಬಿಸಿಸಿಐಗೆ ಬಾಕಿ ಪಾವತಿ ವಿಚಾರ: ಬೈಜುಸ್‌ಗೆ ಎನ್‌ಸಿಎಲ್‌ಟಿ ಆಯೋಗದ ನೋಟಿಸ್

ನವದೆಹಲಿ: ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿಗೆ ₹ 158 ಕೋಟಿ ಬಾಕಿ ಪಾವತಿಸುವ ಕುರಿತು ಥಿಂಕ್ ಅ್ಯಂಡ್‌ ಲರ್ನ್ ಪ್ರೈವೇಟ್ ಲಿಮಿಟೆಡ್‌ಗೆ ಎನ್‌ಸಿಎಲ್‌ಟಿ ಆಯೋಗವು ನೋಟಿಸ್ ಜಾರಿ ಮಾಡಿದೆ.

ಥಿಂಕ್ ಅ್ಯಂಡ್ ಲರ್ನ್ ಪ್ರೈವೇಟ್ ಲಿಮಿಟೆಡ್‌ ಸಂಸ್ಥೆಯು ಬೈಜುಸ್ ಬ್ರ್ಯಾಂಡ್‌ ಮೂಲಕ ಕಾರ್ಯನಿರ್ವಹಿಸುತ್ತದೆ. ಕಂಪೆನಿಯು  ಪ್ರಾಯೋಜಕತ್ವದ ಬಾಕಿಯನ್ನು ತೀರಿಸದಿರುವ ಕುರಿತು ಬಿಸಿಸಿಐ,  ರಾಷ್ಟ್ರೀಯ ಕಂಪೆನಿ ಕಾನೂನು ನ್ಯಾಯಮಂಡಳಿಗೆ (ಎನ್‌ಸಿಎಲ್‌ಟಿ) ದೂರು ಸಲ್ಲಿಸಿತ್ತು.  

‘ನೋಟಿಸ್‌ಗೆ ಪ್ರತಿಕ್ರಿಯೆ ನೀಡಲು ಕಂಪೆನಿಗೆ ಎರಡು ವಾರಗಳ ಗಡುವು ಇದೆ‘ ಎಂದು ಮೂಲಗಳು ತಿಳಿಸಿವೆ.