ಭಾರತ–ಅಫ್ಗನ್ ಯುವ ತಂಡಗಳ ಪಂದ್ಯ ಮಳೆಯ ಪಾಲು

ಬೆಂಗಳೂರು: ಪ್ರತಿಕೂಲ ಹವಾಮಾನದ ಕಾರಣ ಭಾರತ ಮತ್ತು ಅಫ್ಗಾನಿಸ್ತಾನ ತಂಡಗಳ  ನಡುವಣ 19 ವರ್ಷದೊಳಗಿನವರ ತ್ರಿಕೋನ ಏಕದಿನ ಸರಣಿಯ ಪಂದ್ಯ ಭಾನುವಾರ ಸ್ಥಗಿತಗೊಂಡಿತು.

ಭಾರತ ಯುವ ತಂಡ 19 ಓವರುಗಳಲ್ಲಿ 5 ವಿಕೆಟ್‌ಗೆ 79 ರನ್‌ ಗಳಿಸಿದ್ದಾಗ ಮಳೆ ಮತ್ತು ಮಂದಬೆಳಕಿನಿಂದ ಪಂದ್ಯಕ್ಕೆ ಅಡ್ಡಿಯಾಯಿತು. ನಂತರ ಪಂದ್ಯ ನಡೆಯಲಿಲ್ಲ.

ವೇಗಿ ಅಬ್ದುಲ್ ಅಜೀಜ್ (12ಕ್ಕೆ2) ಎರಡು ವಿಕೆಟ್‌ಗಳನ್ನು ಪಡೆದರು. ಅವರು ವಿಹಾನ್ ಮಲ್ಹೋತ್ರಾ ಮತ್ತು ವಂಶ್ ಆಚಾರ್ಯ ಅವರ ವಿಕೆಟ್‌ಗಳನ್ನು ಪಡೆದರು. ಒಂದು ಹಂತದಲ್ಲಿ 4 ವಿಕೆಟ್‌ಗೆ 24 ರನ್ ಗಳಿಸಿ ಕುಸಿತಕಂಡ ಆತಿಥೇಯ ತಂಡಕ್ಕೆ ಕನಿಷ್ಕ್ ಚೌಹಾನ್‌ (ಔಟಾಗದೇ 28, 28ಎ) ಮತ್ತು ಅಭಿಗ್ಯಾನ್ ಕುಂಡು (27, 32ಎ) ಚೇತರಿಕೆ ನೀಡಿದರು.