ಎಂ.ಎಸ್. ಧೋನಿ ಖಾತೆಯಿಂದ ‘ಬ್ಲೂ ಟಿಕ್’ ತೆಗೆದ ಟ್ವಿಟರ್

ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಖಾತೆಯ ವೆರಿಫೈಯ್ಡ್ ಬ್ಯಾಡ್ಜ್ ಅಥವಾ 'ಬ್ಲೂ ಟಿಕ್' ಅನ್ನು ಟ್ವಿಟರ್ ಕಂಪನಿ ತೆಗೆದು ಹಾಕಿದೆ.

ಈ ವರ್ಷ ಜನವರಿ 8 ರಂದು ಧೋನಿ ಕೊನೆಯ ಬಾರಿಗೆ ಟ್ವೀಟ್ ಮಾಡಿದ್ದಾರೆ. ಹಾಗಾಗಿ, ಟ್ವೀಟರ್ ಕಂಪನಿ ಬ್ಲೂ ಟಿಕ್ ತೆಗೆದುಹಾಕಿದೆ.

ಜೂನ್‌ನಲ್ಲಿ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಮತ್ತು ಆರೆಸ್ಸೆಸ್‌ನ ಮೋಹನ್ ಭಾಗವತ್ ಅವರ ಖಾತೆಗಳಿಂದ ಬ್ಲೂ ಟಿಕ್ ತೆಗೆದುಹಾಕಲಾಗಿತ್ತು.

ಟ್ವಿಟರ್ ನಿಯಮಗಳ ಪ್ರಕಾರ, ಆರು ತಿಂಗಳ ಕಾಲ ಯಾವುದೇ ಖಾತೆ ನಿಷ್ಕ್ರಿಯವಾಗಿದ್ದರೆ ಆ ಖಾತೆಯಿಂದ 'ನೀಲಿ ಟಿಕ್' ಅನ್ನು ತೆಗೆದುಹಾಕಲಾಗುತ್ತದೆ.