ದ ಹಂಡ್ರೆಡ್ ಲೀಗ್‌ನಿಂದ ಹಿಂದೆ ಸರಿದ ವಾರ್ನರ್
ಪರ್ತ್‌:ಇಂಗ್ಲೆಂಡ್ ಕ್ರಿಕೆಟ್ ಮಂಡಳಿಯು ಆಯೋಜಿಸುತ್ತಿರುವ ‘ದ ಹಂಡ್ರೆಡ್ ಲೀಗ್’ ಟೂರ್ನಿಯಿಂದ ಆಸ್ಟ್ರೇಲಿಯಾದ ಕ್ರಿಕೆಟಿಗ ಡೇವಿಡ್ ವಾರ್ನರ್ ಹಿಂದೆ ಸರಿದಿದ್ದಾರೆ.
ಅವರ ಈ ನಿರ್ಧಾರಕ್ಕೆ ಕೊರೊನಾ ವೈರಸ್ ಆಂತಕವು ಸಂಬಂಧವಿಲ್ಲ. ಲೀಗ್ ನಡೆಯುವ ಸಂದರ್ಭದಲ್ಲಿಯೇ ಆಸ್ಟ್ರೇಲಿಯಾ ತಂಡವು ಜಿಂಬಾಬ್ವೆ ವಿರುದ್ಧ ಸೀಮಿತ ಓವರ್‌ಗಳ ಕ್ರಿಕೆಟ್ ಸರಣಿಯಲ್ಲಿ ಆಡಲಿದೆ. ಆದ್ದರಿಂದ ವಾರ್ನರ್ ಅದರಲ್ಲಿ ಆಡುವರು ಎಂದು ಆಸ್ಟ್ರೇಲಿಯಾದ ‘ಡಬ್ಲ್ಯುಎ ಟುಡೆ’ ವೆಬ್‌ಸೈಟ್ ವರದಿ ಮಾಡಿದೆ. ಇದನ್ನು ವಾರ್ನರ್ ಅವರ ವ್ಯವಸ್ಥಾಪಕ ಜೇಮ್ಸ್ ರಸ್ಕಿನ್ ದೃಢಪಡಿಸಿದ್ದಾರೆ.
‘ಇದೇ ಮೊದಲ ಬಾರಿಗೆ ನಡೆಯಲಿರುವ 100 ಬಾಲ್ ಎ ಸೈಡ್ ಲೀಗ್ ಟೂರ್ನಿಯಿಂದ ಹಿಂದೆ ಸರಿದ ಮೊದಲ ಆಟಗಾರ ವಾರ್ನರ್. ಜುಲೈ 17ರಿಂದ ಆಗಸ್ಟ್ 15ರವರೆಗೆ ಈ ಟೂರ್ನಿಯು ನಡೆಯಲಿದೆ.
ಐಪಿಎಲ್ ಆಡುವೆ: ಕೊರೊನಾ ವೈರಸ್ ಭೀತಿಯಿಂದಾಗಿ ಮುಂದೂಡಲಾಗಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟೂರ್ನಿಯು ಏಪ್ರಿಲ್ 15ರ ನಂತರ ನಡೆದ ತಾವು ಆಡುವುದಾಗಿ ವಾರ್ನರ್ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.