ಐಎಸ್‌ಎಲ್‌: ಬಿಎಫ್‌ಸಿಗೆ ಆರಂಭಿಕ ಪಂದ್ಯದಲ್ಲಿ ಬ್ಲಾಸ್ಟರ್ಸ್ ಎದುರಾಳಿ
Published 7 ಸೆಪ್ಟೆಂಬರ್ 2023, 16:22 IST
ಬೆಂಗಳೂರು: ಬೆಂಗಳೂರು ಎಫ್‌ಸಿ ತಂಡವು 2023–24ರ ಋತುವಿನ ಇಂಡಿಯನ್‌ ಸೂಪರ್ ಲೀಗ್‌ (ಐಎಸ್‌ಎಲ್‌) ಟೂರ್ನಿಯ ಆರಂಭಿಕ ಪಂದ್ಯದಲ್ಲಿ ಕೇರಳ ಬ್ಲಾಸ್ಟರ್ಸ್ ಎಫ್‌ಸಿ ವಿರುದ್ಧ ಕೊಚ್ಚಿಯಲ್ಲಿ ಸೆ.21ರಂದು ಅಭಿಯಾನ ಆರಂಭಿಸಲಿದೆ.
ಎರಡನೇ ಪಂದ್ಯದಲ್ಲಿ (ಸೆ.27) ಬಿಎಫ್‌ಸಿ ತಂಡವು ಹಾಲಿ ಚಾಂಪಿಯನ್‌ ಮೋಹನ್ ಬಾಗನ್ ಸೂಪರ್ ಜೈಂಟ್ ವಿರುದ್ಧ ಪೈಪೋಟಿ ನಡೆಸಲಿದೆ. 2022–23 ಆವೃತ್ತಿಯ ಫೈನಲ್‌ ಬಳಿಕ ಈ ತಂಡಗಳು ಮುಖಾಮುಖಿಯಾಗಲಿವೆ. ಬೆಂಗಳೂರು ತಂಡವು ತವರಿನಲ್ಲಿ ಅ.4ರಂದು ಈಸ್ಟ್‌ ಬೆಂಗಾಲ್‌ ಎಫ್‌ಸಿ ವಿರುದ್ಧ ಸೆಣಸಾಡಲಿದೆ.
ಇಂಡಿಯನ್‌ ಸೂಪರ್ ಲೀಗ್‌ ಟೂರ್ನಿಯ ಜತೆಜತೆಯಲ್ಲೇ ಏಷ್ಯನ್ ಕ್ರೀಡಾಕೂಟ ಆರಂಭವಾಗಲಿದೆ. ಬೆಂಗಳೂರು ಎಫ್‌ಸಿ ತಂಡದ ಆರು ಆಟಗಾರರು ಏಷ್ಯಾಡ್‌ಗಾಗಿ ಪ್ರಕಟಿಸಿದ 22 ಮಂದಿಯ ಭಾರತ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.