ಐಎಸ್‌ಎಲ್‌: ಮುಂಬೈಗೆ ಮಣಿದ ಡೆಲ್ಲಿ
Published 27 ಅಕ್ಟೋಬರ್ 2018, 16:58 IST
ಮುಂಬೈ ಸಿಟಿ ಎಫ್‌ಸಿ ತಂಡದ ಇಸೊಕೊ ಚೆಂಡಿನೊಂದಿಗೆ ಮುನ್ನುಗ್ಗಿದರು
ಮುಂಬೈ: ಮೊಡು ಸೌಗೊ (30ನೇ ನಿಮಿಷ) ಮತ್ತು ಅರ್ನಾಲ್ಸ್‌ ಇಸೊಕೊ ಅವರ ಪ್ರಭಾವಿ ಆಟದ ನೆರವಿನಿಂದ ಮುಂಬೈ ಸಿಟಿ ಎಫ್‌ಸಿ ತಂಡ ಐಎಸ್‌ಎಲ್‌ ಪಂದ್ಯದಲ್ಲಿ ಗೆದ್ದಿದೆ.
ಮುಂಬೈ ಫುಟ್‌ಬಾಲ್ ಅರೆನಾದಲ್ಲಿ ನಡೆದ ಪಂದ್ಯದಲ್ಲಿ ಡೆಲ್ಲಿ ಡೈನಮೋಸ್ ತಂಡವನ್ನು ಆತಿಥೇಯರು 2–0 ಗೋಲುಗಳಿಂದ ಮಣಿಸಿದರು. ಕಳೆದ ಪಂದ್ಯದಲ್ಲಿ ಗೋವಾ ಎಫ್‌ಸಿ ಎದುರು 5–0 ಗೋಲುಗಳಿಂದ ಸೋತಿದ್ದ ಮುಂಬೈ ನಿರಾಸೆಯೊಂದಿಗೆ ತವರಿಗೆ ಮರಳಿತ್ತು. ಶನಿವಾರದ ಜಯದೊಂದಿಗೆ ತಂಡ ಸಮಾಧಾನದ ನಿಟ್ಟುಸಿರು ಬಿಟ್ಟಿತು. ಡೆಲ್ಲಿ ಡೈನಾಮೋಸ್‌ ಈ ಬಾರಿಯ ಟೂರ್ನಿಯಲ್ಲಿ ಈ ವರೆಗೆ ಗೆಲುವಿನ ಖಾತೆ ತೆರೆಯಲಿಲ್ಲ. ಮೊದಲ ಮೂರು ಪಂದ್ಯಗಳನ್ನು ಸೋತಿದ್ದ ತಂಡ ಕಳೆದ ಪಂದ್ಯದಲ್ಲಿ ಬ್ಲಾಸ್ಟರ್ಸ್‌ ಎದುರು ಡ್ರಾ ಸಾಧಿಸಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.