ಐಎಸ್ಎಲ್: ಒಡಿಶಾ–ಕೇರಳ ಪಂದ್ಯ ಡ್ರಾ

ಭುವನೇಶ್ವರ : ರೋಚಕ ಹಣಾಹಣಿಯಲ್ಲಿ ತಲಾ ನಾಲ್ಕು ಗೋಲುಗಳನ್ನು ಗಳಿಸಿದ ಒಡಿಶಾ ಎಫ್‌ಸಿ ಮತ್ತು ಕೇರಳ ಬ್ಲಾಸ್ಟರ್ಸ್ ಎಫ್‌ಸಿ ತಂಡಗಳು ಇಂಡಿಯನ್ ಸೂಪರ್ ಲೀಗ್‌ (ಐಎಸ್‌ಎಲ್) ಫುಟ್‌ಬಾಲ್ ಟೂರ್ನಿಯ ಪಂದ್ಯದಲ್ಲಿ ಡ್ರಾ ಸಾಧಿಸಿ ಲೀಗ್ ವ್ಯವಹಾರ ಮುಗಿಸಿದವು.

ಆತಿಥೇಯರ ಪರವಾಗಿ ಮ್ಯಾನ್ಯುಯೆಲ್ ಒನ್ವು ಹ್ಯಾಟ್ರಿಕ್ (1, 36 ಮತ್ತು 51ನೇ ನಿಮಿಷ) ಗಳಿಸಿ ಮಿಂಚಿದರು. 44ನೇ ನಿಮಿಷದಲ್ಲಿ ಲಭಿಸಿದ ಪೆನಾಲ್ಟಿ ಅವಕಾಶದಲ್ಲಿ ಪೆರೆಸ್ ಗುಡೆಸ್ ಚೆಂಡನ್ನು ಗುರಿ ಮುಟ್ಟಿಸಿದರು. ಕೇರಳ ಬ್ಲಾಸ್ಟರ್ಸ್‌ಗೆ ಆರನೇ ನಿಮಿಷದಲ್ಲಿ ಒಡಿಶಾ ಆಟಗಾರ ನಾರಾಯಣ್ ’ಉಡುಗೊರೆ’ ನೀಡಿದರು. ಮೆಸ್ಸಿ ಬಿ 28ನೇ ನಿಮಿಷದಲ್ಲಿ ಗೋಲು ಗಳಿಸಿದರು. 82 ಮತ್ತು 90ನೇ ನಿಮಿಷದಲ್ಲಿ ಒಗ್ಬೆಚೆ ಪೆನಾಲ್ಟಿ ಅವಕಾಶವನ್ನು ಗೋಲಾಗಿ ಪರಿವರ್ತಿಸಿದರು.