ಬೆಂಗಳೂರು: ಸೋನಾಲಿ ಸಾಳ್ವಿ (21ನೇ ನಿಮಿಷ) ಹಾಗೂ ಆದ್ಮಿಕಾ ಭೋಸ್ಲೆ (65ನೇ ನಿಮಿಷ) ಗಳಿಸಿದ ಗೋಲುಗಳ ಬಲದಿಂದ ರೆಬೆಲ್ಸ್ ಎಫ್ಸಿ ತಂಡವು ಕೆಎಸ್ಎಫ್ಎ ಎ ಡಿವಿಷನ್ ಮಹಿಳಾ ಫುಟ್ಬಾಲ್ ಟೂರ್ನಿಯಲ್ಲಿ ಸೋಮವಾರ ಮಾತೃ ಪ್ರತಿಷ್ಠಾನ ತಂಡವನ್ನು 2–0ಯಿಂದ ಸೋಲಿಸಿತು.
ಇನ್ನೊಂದು ಪಂದ್ಯದಲ್ಲಿ ಬೆಂಗಳೂರು ಬ್ರೇವ್ಸ್ ಎಫ್ಸಿ ತಂಡವು 1–0ಯಿಂದ ಇಂಡಿಯನ್ ಫುಟ್ಬಾಲ್ ಫ್ಯಾಕ್ಟರಿ ಎದುರು ಜಯಿಸಿತು. ವಿಜೇತ ತಂಡದ ವೆಲೆನ್ಸಿ 35ನೇ ನಿಮಿಷದಲ್ಲಿ ಕಾಲ್ಚಳಕ ತೋರಿದರು.
ಮಂಗಳವಾರ ನಡೆಯುವ ಪಂದ್ಯಗಳಲ್ಲಿ ಮಾತೃ ಪ್ರತಿಷ್ಠಾನ ಎಫ್ಸಿ–ಬೆಂಗಳೂರು ಬ್ರೇವ್ಸ್ ಎಫ್ಸಿ ಹಾಗೂ ಇಂಡಿಯನ್ ಫುಟ್ಬಾಲ್ ಫ್ಯಾಕ್ಟರಿ–ರೆಬೆಲ್ಸ್ ಎಫ್ಸಿ ಸೆಣಸಲಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.