ವಿಶ್ವಕಪ್ ಟೂರ್ನಿ: 16ರ ಘಟ್ಟಕ್ಕೆ ಸ್ವಿಟ್ಜರ್ಲೆಂಡ್
ಸರ್ಬಿಯಾ ತಂಡಕ್ಕೆ 2–3ರಿಂದ ಸೋಲು
ದೋಹಾ: ತೀವ್ರ ಪೈಪೋಟಿ ಕಂಡುಬಂದ ಪಂದ್ಯದಲ್ಲಿ ಸರ್ಬಿಯಾ ತಂಡಕ್ಕೆ ಸೋಲುಣಿಸಿದ ಸ್ವಿಟ್ಜರ್ಲೆಂಡ್ ತಂಡವು ವಿಶ್ವಕಪ್ ಟೂರ್ನಿಯ ಪ್ರೀಕ್ವಾರ್ಟರ್‌ಫೈನಲ್ ತಲುಪಿತು.
ಇಲ್ಲಿಯ ಸ್ಟೇಡಿಯಂ 974 ಕ್ರೀಡಾಂಗಣದಲ್ಲಿ ನಡೆದ ಹಣಾಹಣಿಯಲ್ಲಿ ಸ್ವಿಟ್ಜರ್ಲೆಂಡ್ 3–2ರಿಂದ ಸರ್ಬಿಯಾ ವಿರುದ್ಧ ಗೆದ್ದಿತು.
ಶೆರ್ಡಾನ್ ಶಾಕಿರಿ 20ನೇ ನಿಮಿಷದಲ್ಲಿ ಗಳಿಸಿದ ಗೋಲು ಸ್ವಿಟ್ಜರ್ಲೆಂಡ್ ತಂಡಕ್ಕೆ ಮುನ್ನಡೆ ತಂದುಕೊಟ್ಟಿತು. ಆದರೆಮೊದಲಾರ್ಧದ ಅವಧಿಯಲ್ಲೇ ಅಲೆಕ್ಸಾಂಡರ್‌ ಮಿಟ್ರೊವಿಚ್‌ (ಹೆಡರ್‌) ಮತ್ತುದುಸಾನ್‌ ವ್ಲಾಹೊವಿಚ್‌ ದಾಖಲಿಸಿದ ಗೋಲುಗಳಿಂದ ಸರ್ಬಿಯಾ ಗೆಲುವಿನ ನಿರೀಕ್ಷೆ ಮೂಡಿಸಿತ್ತು.
ಮೊದಲಾರ್ಧದ ಮುಗಿಯಲು ಕೇವಲ ಒಂದು ನಿಮಿಷ ಇರುವಾಗ ಬ್ರೀಲ್ ಎಂಬೊಲೊ ಸ್ವಿಸ್‌ ಪರ ಸಮಬಲದ ಗೋಲು ಹೊಡೆದರು. ಇದಾದ ನಾಲ್ಕನೇ ನಿಮಿಷದಲ್ಲೇ ರೆಮೊ ಫ್ರೆಲರ್‌ತೋರಿದ ಕಾಲ್ಚಳಕ ತಂಡದ ಗೆಲುವಿಗೆ ಕಾರಣವಾಯಿತು.
ಈ ಪಂದ್ಯದಲ್ಲಿ ಸ್ವಿಟ್ಜರ್ಲೆಂಡ್ ತಂಡದ ಆಟಗಾರರಾದ ಶಾಕಿರಿ ಮತ್ತು ಕ್ಸಾಕಾ ಅವರು ಕೊಸೊವೊ ಪರ ಸನ್ನೆಗಳನ್ನು ಮಾಡಿ ಸಂಭ್ರಮಿಸಿದ್ದು ಸರ್ಬಿಯಾ ಆಟಗಾರರನ್ನು ಕೆರಳಿಸಿತ್ತು. ಹೀಗಾಗಿ ಬಿಗುವಿನ ವಾತಾವರಣ ನಿರ್ಮಾಣವಾಗಿತ್ತು.
ತಾರತಮ್ಯದ ಮಾತು ಮತ್ತು ಸನ್ನೆಗಳನ್ನು ಮಾಡದಂತೆ ಸಂಘಟಕರು ಆಟಗಾರರಿಗೆ ಮನವಿ ಮಾಡಿದರು.
ಐದು ವಿಶ್ವಕಪ್ ಟೂರ್ನಿಗಳಲ್ಲಿ ನಾಲ್ಕನೇ ಬಾರಿ ಸ್ವಿಟ್ಜರ್ಲೆಂಡ್ ತಂಡವು ನಾಕೌಟ್‌ ತಲುಪಿದೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.