ಫುಟ್‌ಬಾಲ್‌: ಕೊಲ್ಹಾಪುರಕ್ಕೆ ರೋಚಕ ಗೆಲುವು

ಲುಧಿಯಾನ: ಹೆಚ್ಚುವರಿ ಅವಧಿಯಲ್ಲಿ ಕಮಲಾದೇವಿ ಕಾಲ್ಚಳಕದಲ್ಲಿ ಅರಳಿದ ಗೋಲಿನ ನೆರವಿನಿಂದ ಕೊಲ್ಹಾಪುರ ಸಿಟಿ ತಂಡ ಮಹಿಳಾ ಫುಟ್‌ಬಾಲ್‌ ಲೀಗ್‌ನ ಪಂದ್ಯದಲ್ಲಿ ಗೆಲುವಿನ ಸಿಹಿ ಸವಿಯಿತು.

ಗುರು ನಾನಕ್‌ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಹೋರಾಟದಲ್ಲಿ ಕೊಲ್ಹಾಪುರ ಸಿಟಿ 4–3 ಗೋಲುಗಳಿಂದ ಬರೋಡಾ ಫುಟ್‌ಬಾಲ್ ಅಕಾಡೆಮಿ ತಂಡವನ್ನು ಪರಾಭವಗೊಳಿಸಿತು.

ಕಮಲ 90+3ನೇ ನಿಮಿಷದಲ್ಲಿ ಗೋಲು ಗಳಿಸಿ ತಂಡದ ಸಂಭ್ರಮಕ್ಕೆ ಕಾರಣರಾದರು. ಕಾಶ್ಮೀನಾ 45 ಮತ್ತು 62ನೇ ನಿಮಿಷಗಳಲ್ಲಿ ಚೆಂಡನ್ನು ಗುರಿ ಮುಟ್ಟಿಸಿದರೆ ಪ್ರತೀಕ್ಷಾ ಮಿಥಾರಿ 88ನೇ ನಿಮಿಷದಲ್ಲಿ ಗೋಲು ಬಾರಿಸಿದ್ದರು.