ಐಶ್ವರ್ಯಗೆ ಮೂರನೇ ಸ್ಥಾನ
ದುಬೈ ಅಂತರರಾಷ್ಟ್ರೀಯ ಮೋಟರ್ ಸ್ಪರ್ಧೆ
Published 22 ಫೆಬ್ರುವರಿ 2021, 13:53 IST
ಐಶ್ವರ್ಯ ಪಿಸ್ಸೆ
ದುಬೈ: ಕರ್ನಾಟಕದ ಐಶ್ವರ್ಯ ಪಿಸ್ಸೆ ಅವರು ದುಬೈನಲ್ಲಿ ನಡೆದ ಅಂತರರಾಷ್ಟ್ರೀಯ ಬಾಜಾ ಮೋಟರ್ ರೇಸ್‌ನ ವಿಮೆನ್ಸ್ ಕ್ಲಾಸ್ ವಿಭಾಗದಲ್ಲಿ ಮೂರನೇ ಸ್ಥಾನ ಗಳಿಸಿದ್ದಾರೆ. ಈ ಮೂಲಕ ಟಿವಿಎಸ್ ರೇಸಿಂಗ್ ತಂಡದ ಚಾಲಕಿ, 2021ರ ಋತುವಿನಲ್ಲಿ ಶುಭಾರಂಭ ಮಾಡಿದರು.
25 ವರ್ಷದ ಐಶ್ವರ್ಯ, ಹೋದ ವರ್ಷ ನಡೆದ ಇಂಡಿಯನ್ ನ್ಯಾಷನಲ್ ರ‍್ಯಾಲಿ ಚಾಂಪಿಯನ್‌ಷಿಪ್‌ನ ವಿಮೆನ್ಸ್ ಕ್ಲಾಸ್ ವಿಭಾಗದಲ್ಲಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದರು.
ದುಬೈನಲ್ಲಿ ಸಕಾರಾತ್ಮಕ ಮನೋಭಾವದೊಂದಿಗೆ ರೇಸ್ ಆರಂಭಿಸಿದ ಅವರು, ಅಲ್‌ ಖುದ್ರಾ ಮರುಭೂಮಿಯ ಸವಾಲಿನ ಟ್ರ್ಯಾಕ್‌ನಲ್ಲಿ ಗಮನ ಸೆಳೆದರು.
‘ಈ ರೇಸ್ ಸವಾಲಿನದ್ದಾಗಿತ್ತು. ಮೂರನೇ ಸ್ಥಾನ ಗಳಿಸಿದ್ದು ಖುಷಿಯ ಸಂಗತಿ. ಮುಂಬರುವ ರೇಸ್‌ಗಳಿಗೆ ಇದು ನನ್ನ ಆತ್ಮವಿಶ್ವಾಸ ಹೆಚ್ಚಿಸಲಿದೆ‘ ಎಂದು ಐಶ್ವರ್ಯ ಹೇಳಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.