ಸಿಡ್ನಿ: ಕಾಮನ್ವೆಲ್ತ್ ಗೇಮ್ಸ್ನ 2026ರ ಆವೃತ್ತಿ ಆಸ್ಟ್ರೇಲಿಯಾದ ವಿಕ್ಟೋರಿಯಾ ರಾಜ್ಯದಲ್ಲಿ ನಡೆಯಲಿದೆ ಎಂದು ರಾಜ್ಯದ ಮುಖ್ಯಸ್ಥ ಡ್ಯಾನಿಯಲ್ ಅ್ಯಂಡ್ರ್ಯೂಸ್ ತಿಳಿಸಿದ್ದಾರೆ.
ರಾಜಧಾನಿ ಮೆಲ್ಬರ್ನ್ನಿಂದ ಹೊರಗೆ ಎಲ್ಲ ಕ್ರೀಡೆಗಳನ್ನು ಆಯೋಜಿಸಲು ನಿರ್ಧರಿಸಲಾಗಿದ್ದು ಏಳು ಪಟ್ಟಣಗಳಲ್ಲಿ ಸ್ಪರ್ಧೆಗಳು ನಡೆಯಲಿವೆ. ಈ ಪಟ್ಟಣಗಳು ನಾಲ್ಕು ಪ್ರಾದೇಶಿಕ ವಿಭಾಗಗಳಲ್ಲಿ ಇವೆ ಎಂದು ಅವರು ತಿಳಿಸಿದ್ದಾರೆ.
ಗೀಲಾಂಗ್, ಬಲಾರತ್, ಬೆಂಡಿಗೊ ಮತ್ತು ಗಿಪ್ಸ್ಲ್ಯಾಂಡ್ನಲ್ಲಿ ಪ್ರಮುಖ ಸ್ಪರ್ಧೆಗಳು ನಡೆಯಲಿದ್ದು ಅಲ್ಲಿ ಈಗಾಗಲೇ ಕ್ರೀಡಾ ಗ್ರಾಮಗಳು ಇವೆ. ವಿಕ್ಟೋರಿಯಾದ ಕ್ರೀಡಾಂಗಣವು ಹೊಸತನದಿಂದ ಕೂಡಿದ್ದು ಹೊಸ ಆವಿಷ್ಕಾರದ ಮೂಲಕ ಗಮನ ಸೆಳೆದಿದೆ ಎಂದು ಕಾಮನ್ವೆಲ್ತ್ ಗೇಮ್ಸ್ ಫೆಡರೇಷನ್ನ ಅಧ್ಯಕ್ಷ ಲೂಯಿಸ್ ಮಾರ್ಟಿನ್ ಅಭಿಪ್ರಾಯಪಟ್ಟಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.