ಬ್ಯಾಸ್ಕೆಟ್‌ಬಾಲ್‌: ಸೆಮಿಗೆ ಜಿಎಸ್‌ಟಿ ತಂಡ
ಬ್ಯಾಸ್ಕೆಟ್‌ಬಾಲ್‌
ಬೆಂಗಳೂರು: ಜಿಎಸ್‌ಟಿ ಮತ್ತು ಕಸ್ಟಮ್ಸ್‌, ಭಾರತ್‌ ಎಸ್‌ಯು, ಐಬಿಬಿಸಿ ಮತ್ತು ಕೋರಮಂಗಲ ಎಸ್‌ಸಿ ತಂಡಗಳು ಎಂ.ಸಿ.ಶ್ರೀನಿವಾಸ್‌ ಸ್ಮರಣಾರ್ಥ ಟ್ರೋಫಿಗಾಗಿ ನಡೆಯುತ್ತಿರುವ ರಾಜ್ಯ ಬಿ ಡಿವಿಷನ್‌ ಬ್ಯಾಸ್ಕೆಟ್‌ಬಾಲ್‌ ಲೀಗ್‌ ಪಂದ್ಯದಲ್ಲಿ ಶುಕ್ರವಾರ ಸೆಮಿಫೈನಲ್‌ ಪ್ರವೇಶಿಸಿದವು.
ಕಂಠೀರವ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಜಿಎಸ್‌ಟಿ ಮತ್ತು ಕಸ್ಟಮ್ಸ್‌ ತಂಡ 77– 43 ಅಂಕಗಳಿಂದ ಕೋರಮಂಗಲ ಎಸ್‌ಸಿ ತಂಡದ ವಿರುದ್ಧ ಜಯ ಸಾಧಿಸಿತು. ಜಿಎಸ್‌ಟಿ ಪರ ನವೀನ್‌ (21 ಅಂಕ), ಆದರ್ಶ್‌ (12) ಗೆಲುವಿಗೆ ಶ್ರಮಿಸಿದರು.
ಅಮರ್ಥ್ಯ (22) ಅವರ ಆಟದ ಬಲದ ನೆರವಿನಿಂದ ಮಂಡ್ಯ ಜಿಲ್ಲಾ ತಂಡವು ಎದುರಾಳಿ ಭಾರತ್‌ ಎಸ್‌.ಯು ತಂಡವನ್ನು 73–66 ಅಂಕಗಳಿಂದ ಮಣಿಸಿತು. ವಿಮಾನಪುರ ಎಸ್‌ಸಿ ತಂಡ 79–74 ಅಂಕಗಳಿಂದ ರಾಜಮಹಲ್‌ ಬಿ.ಸಿ ವಿರುದ್ಧ ಜಯಿಸಿತು. ಐಬಿಬಿಸಿ ತಂಡ 84– 53 ಅಂಕಗಳಿಂದ ಬೆಂಗಳೂರು ಸ್ಪೋರ್ಟಿಂಗ್‌ ತಂಡವನ್ನು ಸೋಲಿಸಿತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.