ಹಾಕಿ: ಮೈಸೂರು ಮೇಲುಗೈ

ಮಡಿಕೇರಿ: ಮೈಸೂರು ವಿಭಾಗ ತಂಡಗಳು ಭಾರತ ಕ್ರೀಡಾ ಪ್ರಾಧಿಕಾರದ ಹಾಕಿ ಮೈದಾನದಲ್ಲಿ ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಆಯೋಜಿಸಿರುವ ಪ್ರಾಥಮಿಕ ಮತ್ತು ಪ್ರೌಢಶಾಲಾ ಬಾಲಕ, ಬಾಲಕಿಯರ ರಾಜ್ಯ ಮಟ್ಟದ ಹಾಕಿ ಟೂರ್ನಿಯಲ್ಲಿ ಮೇಲುಗೈ ಸಾಧಿಸಿದವು.

ಮಂಗಳವಾರ ನಡೆದ ಪ್ರೌಢಶಾಲಾ ಬಾಲಕರ ವಿಭಾಗದಲ್ಲಿ ಬೆಂಗಳೂರು 4–1ರಿಂದ ಬೆಳಗಾವಿಯನ್ನು ಮಣಿಸಿದರೆ, ಪ್ರಾಥಮಿಕ ಬಾಲಕಿಯರ ವಿಭಾಗದಲ್ಲಿ ಬೆಳಗಾವಿಯು 2–0 ಗೋಲುಗಳಿಂದ ಬೆಂಗಳೂರನ್ನು ಸೋಲಿಸಿತು. ಪ್ರಾಥಮಿಕ ಬಾಲಕರ ವಿಭಾ ಗದಲ್ಲಿ ಬೆಂಗಳೂರನ್ನು ಕಲಬುರಗಿಯು 5–0ಯಿಂದ ಮಣಿಸಿತು. 17 ವರ್ಷದೊಳಗಿನ ಬಾಲಕರ ವಿಭಾ ಗದಲ್ಲಿ ಮೈಸೂರು ಕಲಬುರಗಿಯನ್ನು 6–1ರಿಂದ ಮಣಿಸಿತು.

17 ವರ್ಷದೊಳಗಿನ ಬಾಲಕಿಯರ ವಿಭಾಗದಲ್ಲಿ ಮೈಸೂರು ತಂಡವು ಬೆಂಗಳೂರು ತಂಡವನ್ನು 9–0 ಗೋಲಿನಿಂದ ಸೋಲಿಸಿ ಪಾರಮ್ಯ ಮೆರೆಯಿತು.