ವಿಯೆಟ್ನಾಂ ಓಪನ್: ಭಾರತದ ಸವಾಲು ಅಂತ್ಯ

ಹೊ ಚಿ ಮಿನ್‌ ಸಿಟಿ (ಪಿಟಿಐ): ಮಹಿಳೆಯರ ಡಬಲ್ಸ್‌ ವಿಭಾಗದಲ್ಲಿ ಕಣದಲ್ಲಿದ್ದ ‌ಸಿಮ್ರಾನ್ ಸಿಂಘಿ– ರಿತಿಕಾ ಠಕ್ಕರ್ ಜೋಡಿ ನಿರ್ಗಮಿಸುವುದರೊಂದಿಗೆ ವಿಯೆಟ್ನಾಂ ಓಪನ್ ಸೂಪರ್ 100 ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತದ ಸವಾಲಿಗೆ ತೆರೆಬಿದ್ದಿದೆ.

ಶುಕ್ರವಾರ ನಡೆದ ಪಂದ್ಯದಲ್ಲಿ ಮೂರನೇ ಶ್ರೇಯಾಂಕದ ಭಾರತದ ಜೋಡಿಯು ಕ್ವಾರ್ಟರ್‌ ಫೈನಲ್‌ ಹಂತದ ಪಂದ್ಯದಲ್ಲಿ 21-18, 15-21, 15-21ರಿಂದ ಶ್ರೇಯಾಂಕರಹಿತ ಜೋಡಿ ಜಿಯಾಂಗ್ ಯಿ ಹುವಾ ಮತ್ತು ಲಿ ಝಿ ಕ್ವಿಂಗ್ (ಚೀನಾ ತೈಪೆ) ಅವರಿಗೆ ಶರಣಾಯಿತು.

ಭಾರತದ ಇತರ ಆಟಗಾರರು ಗುರುವಾರವೇ ಟೂರ್ನಿಯಿಂದ ಹೊರಬಿದ್ದಿದ್ದರು.