ಏಷ್ಯನ್‌ ಎಲೈಟ್‌ ಬಾಕ್ಸಿಂಗ್‌ : ಕಪಿಲ್‌, ಸ್ಪರ್ಶ್‌ಗೆ ನಿರಾಸೆ
ನವದೆಹಲಿ (ಪಿಟಿಐ): ಭಾರತದ ಕಪಿಲ್‌ ಪೋಖರಿಯಾ ಮತ್ತು ಸ್ಪರ್ಶ್‌ ಕುಮಾರ್‌ ಅವರು ಜೋರ್ಡಾನ್‌ನ ಅಮ್ಮಾನ್‌ನಲ್ಲಿ ನಡೆಯುತ್ತಿರುವ ಏಷ್ಯನ್‌ ಎಲೈಟ್‌ ಬಾಕ್ಸಿಂಗ್‌ ಚಾಂಪಿಯನ್‌ಷಿಪ್‌ನಲ್ಲಿ ಸೋಲು ಅನುಭವಿಸಿದರು.
ಗುರುವಾರ ನಡೆದ 86 ಕೆ.ಜಿ ವಿಭಾಗದ ಪ್ರೀ ಕ್ವಾರ್ಟರ್‌ ಫೈನಲ್‌ನಲ್ಲಿ ಕಪಿಲ್‌ 0–5 ರಲ್ಲಿ ಇರಾನ್‌ನ ಪೌರಿಯಾ ಅಮೀರಿ ಕೈಯಲ್ಲಿ ಸೋತರು. ಉತ್ತರಾಖಂಡ್‌ನ ಬಾಕ್ಸರ್‌ ಆರಂಭದಲ್ಲಿ ಆಕ್ರಮಣಕಾರಿ ಪ್ರದರ್ಶನ ನೀಡಿದರೂ, ಬಳಿಕ ಲಯ ಕಳೆದುಕೊಂಡರು.
51 ಕೆ.ಜಿ. ವಿಭಾಗದ ಸ್ಪರ್ಧೆಯಲ್ಲಿ ಸ್ಪರ್ಶ್‌ 1–4 ರಲ್ಲಿ ಒಲಿಂಪಿಕ್‌ ಕಂಚಿನ ಪದಕ ವಿಜೇತ ಬಾಕ್ಸರ್‌ ಕಜಕಸ್ತಾನದ ಸಕೆನ್ ಬಿಬೊಸಿನೊವ್‌ ಎದುರು ಸೋತರು.
ಮಹಿಳೆಯರ 50 ಕೆ.ಜಿ ವಿಭಾಗದಲ್ಲಿ ಸವಿತಾ ಅವರು ಟೋಕಿಯೊ ಒಲಿಂಪಿಕ್ಸ್‌ ಕಂಚಿನ ಪದಕ ವಿಜೇತೆ ಜಪಾನ್‌ನ ಸುಕಿಮಿ ನಮಿಕಿ ಅವರ ಸವಾಲನ್ನು ಎದುರಿಸುವರು. ಶಿವ ಥಾಪಾ ಒಳಗೊಂಡಂತೆ ಭಾರತದ ಐವರು ಬಾಕ್ಸರ್‌ಗಳು ಶುಕ್ರವಾರ ಕಣಕ್ಕಿಳಿಯುವರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.