ಖೇಲೊ ಇಂಡಿಯಾ: ಸೌಬ್ರಿತಿಗೆ 3 ಚಿನ್ನ

ಗುವಾಹಟಿ: ಪಶ್ಚಿಮ ಬಂಗಾಳದ ಸೌಬೃತಿ ಮೊಂಡಲ್ ಇಲ್ಲಿ ನಡೆಯುತ್ತಿರುವ ಖೇಲೊ ಇಂಡಿಯಾ ಯುವ ಕ್ರೀಡಾಕೂಟದ ಈಜು ಸ್ಪರ್ಧೆಯಲ್ಲಿ ಸೋಮವಾರ ಅಮೋಘ ಸಾಧನೆ ಮಾಡಿದರು.

4x100 ಮೀಟರ್ಸ್‌ ಮೆಡ್ಲೆ, 200 ಮೀಟರ್ಸ್ ವೈಯಕ್ತಿಕ ಮೆಡ್ಲೆ ಮತ್ತು 200 ಮೀಟರ್ಸ್ ಬ್ಯಾಕ್‌ಸ್ಟ್ರೋಕ್‌ನಲ್ಲಿ ಅವರು ಚಿನ್ನ ಗಳಿಸಿ ಸಂಭ್ರಮಿಸಿದರು.

ಮಹಾರಾಷ್ಟ್ರವು 63 ಚಿನ್ನದೊಂದಿಗೆ ಪದಕ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲೇ ಮುಂದುವರಿದಿದೆ. ಈ ರಾಜ್ಯದ ಕ್ರೀಡಾಪಟುಗಳ ಒಟ್ಟು ಪದಕ ಸಾಧನೆ ಸೋಮವಾರ 204ಕ್ಕೆ ಏರಿತು. ಕರ್ನಾಟಕದ ಶ್ರೀಹರಿ ನಟರಾಜ್ ಸೋಮವಾರ ಮತ್ತೊಂದು ಚಿನ್ನ ಗಳಿಸಿದರು.