ಉದ್ದೀಪನಾ ಮದ್ದು ಸೇವನೆ ಸಾಬೀತು: ಮೈಕೆಲೆ ಲೀ ಮೇಲೆ ಎರಡು ವರ್ಷ ನಿಷೇಧ

ಲಂಡನ್‌: ನಿಷೇಧಿತ ಉದ್ದೀಪನಾ ಮದ್ದು ಸೇವಿಸಿದ್ದು ಸಾಬೀತಾಗಿರುವ ಕಾರಣ ಟ್ರಿನಿಡಾಡ್‌ ಮತ್ತು ಟೊಬಾಗೊದ ಅಥ್ಲೀಟ್‌ ಮೈಕೆಲೆ ಲೀ ಅಹಿಯೆ ಮೇಲೆ ಮಂಗಳವಾರ ಎರಡು ವರ್ಷ ನಿಷೇಧ ಹೇರಲಾಗಿದೆ.

ನಿಷೇಧವು 2019ರ ಏಪ್ರಿಲ್‌ 19ರಿಂದಲೇ ಜಾರಿಯಾಗಲಿದೆ ಎಂದು ಅಥ್ಲೆಟಿಕ್ಸ್‌ ಇಂಟಿಗ್ರಿಟಿ ಯೂನಿಟ್‌ ತಿಳಿಸಿದೆ.

ಮೈಕೆಲೆ ಅವರು 2018ರಲ್ಲಿ ಆಸ್ಟ್ರೇಲಿಯಾದ ಗೋಲ್ಡ್‌ಕೋಸ್ಟ್‌ನಲ್ಲಿ ನಡೆದಿದ್ದ ಮಹಿಳೆಯರ 100 ಮೀಟರ್ಸ್‌ ಓಟದ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಗೆದ್ದಿದ್ದರು. ಹೋದ ವರ್ಷ ನಡೆದಿದ್ದ ಪಾನ್‌ ಅಮೆರಿಕ ಕ್ರೀಡಾಕೂಟದಲ್ಲಿ ಬೆಳ್ಳಿಯ ಪದಕ ಜಯಿಸಿದ್ದರು.