ವಿದೇಶಿ ಕೋಚ್‌ಗಾಗಿ ವೇಟ್‌ಲಿಫ್ಟರ್ ಮೀರಾಬಾಯಿ ಮನವಿ

ನವದೆಹಲಿ : ಗಾಯದ ಸಮಸ್ಯೆಯಿಂದ ಹೊರಬಂದು ಸಿದ್ಧತೆ ನಡೆಸಲು ವಿದೇಶಿ ತಜ್ಞ ಸ್ಟ್ರೇಂಥ್ ಮತ್ತು ಕಂಡಿಷನಿಂಗ್ ತರಬೇತುದಾರರನ್ನು ತಮಗಾಗಿ ನೇಮಕ ಮಾಡಬೇಕು ಎಂದು ವೇಟ್‌ಲಿಫ್ಟರ್ ಮೀರಾಬಾಯಿ ಚಾನು ಮನವಿ ಮಾಡಿದ್ದಾರೆ.

ಟಾರ್ಗೆಟ್ ಒಲಿಂಪಿಕ್ ಪೋಡಿಯಂ ಯೋಜನೆ (ಟಾಪ್ಸ್‌)ಯಡಿಯಲ್ಲಿ ಅವರು ಈ ಮನವಿ ಸಲ್ಲಿಸಿದ್ದಾರೆ. ಅದನ್ನು ಭಾರತ ವೇಟ್‌ಲಿಫ್ಟಿಂಗ್ ಫೆಡರೇಷನ್‌, ಭಾರತೀಯ ಕ್ರೀಡಾ ಪ್ರಾಧಿಕಾರಿಕ್ಕೆ ಕಳುಹಿಸಿದೆ.

‘ವೇಟ್‌ ಲಿಫ್ಟಿಂಗ್‌ನಲ್ಲಿ ಗಾಯಗೊಳ್ಳುವ ಸಾಧ್ಯತೆಗಳು ಹೆಚ್ಚು. ಟಾಪ್ಸ್‌ ಸಮಿತಿಗೆ ಲಾಕ್‌ಡೌನ್‌ ಮುಂಚೆಯೇ ನಾನು ಮನವಿ ಮಾಡಿದ್ದೆ. ವಿಶೇಷ ಕೋಚ್ ಒಬ್ಬರ ಅಗತ್ಯವಿದೆ’ ಎಂದಿದ್ದಾರೆ.