ಪ್ಯಾರಾ ಶೂಟಿಂಗ್‌: ರುದ್ರಾಂಶ್ ದಾಖಲೆ

ಒಸೈಜೆಕ್, ಕ್ರೊವೇಷ್ಯಾ (ಪಿಟಿಐ): ಭಾರತದ ಪ್ಯಾರಾ ಶೂಟರ್‌ಗಳಾದ ರುದ್ರಾಂಶ್ ಖಂಡೆಲ್‌ವಾಲ್‌ ಮತ್ತು ನಿಹಾಲ್ ಸಿಂಗ್‌ ಅವರು ಇಲ್ಲಿ ನಡೆಯುತ್ತಿರುವ ವಿಶ್ವಕ‍ಪ್‌ ಪ್ಯಾರಾ ಶೂಟಿಂಗ್‌ನಲ್ಲಿ ಕ್ರಮವಾಗಿ ಚಿನ್ನ ಹಾಗೂ ಬೆಳ್ಳಿ ಜಯಿಸಿದರು.

ಸೋಮವಾರ ನಡೆದ ಸ್ಪರ್ಧೆಯಲ್ಲಿ 16 ವರ್ಷದ ರುದ್ರಾಂಶ್‌ ಅವರು ಪಿ4 50 ಮೀ. ಪಿಸ್ತೂಲ್‌ ಫೈನಲ್‌ನಲ್ಲಿ 231.1 ಪಾಯಿಂಟ್ಸ್‌ ಗಳಿಸಿ ವಿಶ್ವದಾಖಲೆಯನ್ನೂ ಸ್ಥಾಪಿಸಿದರು. ನಿಹಾಲ್ 222.2 ಪಾಯಿಂಟ್ಸ್‌ಗಳೊಂದಿಗೆ ಎರಡನೇ ಸ್ಥಾನ ಪಡೆದರು.