ಏಷ್ಯನ್‌ ಕ್ರೀಡಾಕೂಟದಲ್ಲಿ ಪೆಂಕಾಕ್‌ ಸಿಲಾಟ್‌: ನವೊರೆಮ್‌ ಶುಭಾರಂಭ

ಜಕಾರ್ತ: ಭಾರತದ ಪೆಂಕಾಕ್‌ ಸಿಲಾಟ್‌ ಸ್ಪರ್ಧಿ ನವೊರೆಮ್‌ ಬೊಯನಾವೊ ಸಿಂಗ್‌ ಅವರು ಏಷ್ಯನ್‌ ಕ್ರೀಡಾಕೂಟದಲ್ಲಿ ಶುಭಾರಂಭ ಮಾಡಿದ್ದಾರೆ.

ಗುರುವಾರ ನಡೆದ ಪುರುಷರ 50–55 ಕೆ.ಜಿ. ವಿಭಾಗದ ಪ್ರೀ ಕ್ವಾರ್ಟರ್‌ ಫೈನಲ್‌ನಲ್ಲಿ ನವೊರೆಮ್‌ 5–0ಯಿಂದ ಕಿರ್ಗಿಸ್ತಾನದ ಸುಲೈಮನ್‌ಕುಲ್‌ ಉವುಲು ಅವರನ್ನು ಪರಾಭವಗೊಳಿಸಿದರು.

ಶುಕ್ರವಾರ ನಡೆಯುವ ಕ್ವಾರ್ಟರ್‌ ಫೈನಲ್‌ನಲ್ಲಿ ಬೊಯನಾವೊ ಅವರು ಫಿಲಿಪ್ಪೀನ್ಸ್‌ನ ದುಮಾನ್‌ ದಿನೆಸ್‌ ವಿರುದ್ಧ ಸೆಣಸಲಿದ್ದಾರೆ.