ಜಬಿವುರ್‌ ಎದುರು ಸೋತ ಸಬಲೆಂಕಾ

ಪ್ಯಾರಿಸ್‌ : ಟ್ಯೂನಿಷಿಯಾದ ಆನ್ಸ್ ಜಬಿವುರ್ ಅವರು ಫ್ರೆಂಚ್‌ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ನಾಲ್ಕನೇ ಸುತ್ತು ಪ್ರವೇಶಿಸಿದ ಮೊದಲ ಅರಬ್‌ ಮಹಿಳೆ ಎನಿಸಿಕೊಂಡರು. ಶನಿವಾರ ನಡೆದ ಮಹಿಳಾ ಸಿಂಗಲ್ಸ್ ಮೂರನೇ ಸುತ್ತಿನ ಪಂದ್ಯದಲ್ಲಿ ಅವರು 7–6, 2–6, 6–3ರಿಂದ ಎಂಟನೇ ಶ್ರೇಯಾಂಕದ ಅರಿನಾ ಸಬಲೆಂಕಾ ಅವರಿಗೆ ಆಘಾತ ನೀಡಿದರು.

2017ರ ಆವೃತ್ತಿಯಲ್ಲಿ ಮೂರನೇ ಸುತ್ತು ಪ್ರವೇಶಿಸಿದ್ದ ಜಬಿವುರ್‌, ಈ ಹಣಾಹಣಿಯಲ್ಲಿ ಸಬಲೆಂಕಾ ಎದುರು ಪಾರಮ್ಯ ಮೆರೆದರು.

ಇಲ್ಲಿ 30ನೇ ಶ್ರೇಯಾಂಕದ ಪಡೆದಿರುವ ಜಬಿವುರ್‌, ಈ ವರ್ಷದ ಆರಂಭದಲ್ಲಿ ಆಸ್ಟ್ರೇಲಿಯಾ ಓಪನ್‌ ಟೂರ್ನಿಯಲ್ಲಿ ಕ್ವಾರ್ಟರ್‌ಫೈನಲ್‌ ತಲುಪುವ ಮೂಲಕ ಗ್ರ್ಯಾನ್‌ಸ್ಲಾಮ್‌ ಒಂದರಲ್ಲಿ ಈ ಸಾಧನೆ ಮಾಡಿದ ಮೊದಲ ಅರಬ್‌ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದರು.