ಟಿ.ಟಿ ವಿಶ್ವಕಪ್‌: ಭಾರತ ತಂಡದಲ್ಲಿ ಯಶಸ್ವಿನಿ

ಬೆಂಗಳೂರು: ಕರ್ನಾಟಕದ ಉದಯೋನ್ಮುಖ ಆಟಗಾರ್ತಿ ಯಶಸ್ವಿನಿ ಘೋರ್ಪಡೆ ಅವರು ಚೀನಾದ ಚೆಂಗ್ಡು ನಗರದಲ್ಲಿ ನಡೆಯಲಿರುವ ಐಟಿಟಿಎಫ್‌ ಮಿಶ್ರ ತಂಡ ಟೇಬಲ್‌ ಟೆನಿಸ್‌ ವಿಶ್ವಕಪ್‌ ಟೂರ್ನಿಯಲ್ಲಿ ಭಾರತ ಮಹಿಳಾ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ಈ ಟೂರ್ನಿಯು ನವೆಂಬರ್‌ 30ರಿಂದ ಡಿಸೆಂಬರ್‌ 7ರ ವರೆಗೆ ನಡೆಯಲಿದೆ.

20 ವರ್ಷ ವಯಸ್ಸಿನ ಯಶಸ್ವಿನಿ ಅವರು ದೆಹಲಿಯಲ್ಲಿ ಈಚೆಗೆ ನಡೆದ ರಾಷ್ಟ್ರೀಯ ರ್‍ಯಾಂಕಿಂಗ್‌ ಟೇಬಲ್‌ ಟೆನಿಸ್‌ ಟೂರ್ನಿಯ ಮಹಿಳೆಯರ ಸಿಂಗಲ್ಸ್‌ನಲ್ಲಿ ಕಂಚು ಜಯಿಸಿದ್ದರು.

ತಂಡ ಹೀಗಿದೆ: ಪುರುಷರು: ಮಾನವ್‌ ಠಕ್ಕರ್‌, ಮಾನುಷ್‌ ಶಾ, ಜ್ಞಾನಶೇಖರನ್‌ ಸತ್ಯನ್‌ ಹಾಗೂ ಪಾಯಸ್ ಜೈನ್‌.

ಮಹಿಳೆಯರು: ಮನಿಕಾ ಬತ್ರಾ, ದಿಯಾ ಚಿತಳೆ, ಯಶಸ್ವಿನಿ ಘೋರ್ಪಡೆ ಹಾಗೂ ಸ್ವಸ್ತಿಕಾ ಘೋಷ್‌.