ವಾಲಿಬಾಲ್ ಲೀಗ್‌: ಬೆಂಗಳೂರು ಟಾರ್ಫಿಡೋಸ್‌ಗೆ ಜಯ

ಚೆನ್ನೈ: ಬೆಂಗಳೂರು ಟಾರ್ಫಿಡೋಸ್‌ ತಂಡವು ಇಲ್ಲಿನ ಜವಾಹರಲಾಲ್ ನೆಹರೂ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಪ್ರೈಮ್ ವಾಲಿಬಾಲ್ ಲೀಗ್‌ನಲ್ಲಿ ಗೆಲುವಿನ ಅಭಿಯಾನ ಮುಂದುವರಿಸಿದೆ.

ಗುರುವಾರ ನಡೆದ ಪಂದ್ಯದಲ್ಲಿ ಬೆಂಗಳೂರು ತಂಡವು 14-16, 19-17, 13- 15, 15-10, 15-11ರಿಂದ ಕ್ಯಾಲಿಕಟ್‌ ಹಿರೋಸ್ ವಿರುದ್ಧ ಗೆಲುವು ದಾಖಲಿಸಿದೆ.

ಪಂದ್ಯದಲ್ಲಿ ಚಾಕಚಕ್ಯತೆಯ ಮೆರೆದ ಬೆಂಗಳೂರು ತಂಡದ ಟಿ.ಆರ್. ಸೇತು ಪಂದ್ಯದ ಆಟಗಾರ ಪ್ರಶಸ್ತಿ ಪಡೆದರು. ಅವರು ತಮ್ಮ ಆಕ್ರಮಣಕಾರಿ ಸರ್ವ್‌ಗಳ ಮೂಲಕ ಸೇತು ಗಮನ ಸೆಳೆದರು.