ಟೆನಿಸ್‌: ಸೆಮಿಗೆ ನಿಕ್ಷೇಪ್‌
Published 27 ಜೂನ್ 2018, 18:36 IST
ಬಿ. ಆರ್‌. ನಿಕ್ಷೇಪ್‌
ಬೆಂಗಳೂರು: ಕರ್ನಾಟಕದ ಬಿ. ಆರ್‌. ನಿಕ್ಷೇಪ್‌ ಅವರು ಎಐಟಿಎ ಆಶ್ರಯದ 50ಕೆ ಟೆನಿಸ್‌ ಟೂರ್ನಿಯ ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಜಯಿಸಿದ್ದಾರೆ.
ಹೈದರಾಬಾದ್‌ನ ಎಲ್‌. ಬಿ. ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಸಿಂಗಲ್ಸ್‌ ವಿಭಾಗದ ಪಂದ್ಯದಲ್ಲಿ ನಿಕ್ಷೇಪ್‌ ಅವರು ಕರ್ನಾಟಕದವರೇ ಆದ ಟಿ. ಡಿ. ಅಮರ್‌ ಅವರನ್ನು 6–2, 6–7, 6–1ರಿಂದ ಮಣಿಸಿ ಸೆಮಿಫೈನಲ್‌ ಪ್ರವೇಶಿಸಿದರು.
ಡಬಲ್ಸ್‌ ವಿಭಾಗದಲ್ಲಿ ಜಯ: ನಿಕ್ಷೇಪ್‌ ಹಾಗೂ ಆಂಧ್ರಪ್ರದೇಶದ ಜೂಡ್‌ ರೇಮಂಡ್ ಜೋಡಿಯು ಕ್ವಾರ್ಟರ್‌ಫೈನಲ್‌ ಪಂದ್ಯದಲ್ಲಿ ಮಹಾರಾಷ್ಟ್ರದ ಕ್ರಿಸ್ಟಿಯನ್‌ ಕಮಿಂಗ್ಸ್‌ ಹಾಗೂ ತಮಿಳುನಾಡಿನ ಓಜೆಸ್‌ ಥೆಜ್ಯೊ ಜೋಡಿಯನ್ನು 6–2, 6–3ರಿಂದ ಮಣಿಸಿ ಸೆಮಿಫೈನಲ್‌ ತಲುಪಿದೆ.
ಸಿಂಗಲ್ಸ್‌ ವಿಭಾಗದ ಸೆಮಿಫೈನಲ್‌ ಪಂದ್ಯದಲ್ಲಿ ಆಂಧ್ರಪ್ರದೇಶದ ಕೊಂಡ್ರಿ ಶ್ರೀನಿವಾಸ್ ಅವರನ್ನು ನಿಕ್ಷೇಪ್‌ ಎದುರಿಸಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.