ಜನಪ್ರಿಯತೆ ಹಾದಿಯಲ್ಲಿ ಶೇರ್‌ಚಾಟ್‌ ಬಳಕೆ

ಬೆಂಗಳೂರು: ಕನ್ನಡ ಭಾಷೆಯಲ್ಲಿನ ಸಾಮಾಜಿಕ ಮಾಧ್ಯಮ ಶೇರ್‌ಚಾಟ್‌ನ 20 ಲಕ್ಷಕ್ಕೂ ಹೆಚ್ಚು ಬಳಕೆದಾರರು ಅನೇಕ ವಿದ್ಯಮಾನಗಳಿಗೆ ಸ್ಪಂದಿಸುವ ಪ್ರವೃತ್ತಿ ಹೆಚ್ಚುತ್ತಿದೆ.

ಕನ್ನಡದಲ್ಲಿ ಮಾಹಿತಿ ಸೃಷ್ಟಿಸುವ ಪ್ರಮಾಣವು ವ್ಯಾಪಕವಾಗಿ ಬೆಳೆಯುತ್ತಿದೆ. ಬಳಕೆದಾರರು ಘಟನೆಗಳಿಗೆ ತಕ್ಷಣವೇ ಪ್ರತಿಕ್ರಿಯಿಸುತ್ತಿದ್ದಾರೆ. ಶೇರ್‌ಚಾಟ್‌ ಬಳಕೆಯಲ್ಲಿ ಪುರುಷರು ಮುನ್ನಡೆಯಲ್ಲಿ ಇದ್ದಾರೆ. ಮಹಿಳೆಯರಿಗೆ ಹೋಲಿಸಿದರೆ ಪುರುಷರು ದಿನದ ಬಹುಭಾಗವನ್ನು ಶೇರ್‌ಚಾಟ್‌ ಬಳಸುವುದರಲ್ಲಿ ಕಳೆಯುತ್ತಾರೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.