ಟ್ವಿಟರ್ ಪಕ್ಷಿಯ ಆಕೃತಿ ₹8.13 ಕೋಟಿಗೆ ಸೇಲ್
ಸ್ಯಾನ್‌ಫ್ರಾನ್ಸಿಸ್ಕೊ: ಇಲ್ಲಿನ ಟ್ವಿಟರ್ ಮುಖ್ಯ ಕಚೇರಿಯಲ್ಲಿನ ಪೀಠೋಪಕರಣ, ಅಲಂಕಾರಿಕ ವಸ್ತುಗಳು ಮತ್ತು ಅಡುಗೆ ಉಪಕರಣಗಳನ್ನು ಟ್ವಿಟರ್ ಮುಖ್ಯಸ್ಥ ಎಲಾನ್ ಮಸ್ಕ್ ಹರಾಜು ಹಾಕಿದ್ದು, ಟ್ವಿಟರ್ ಬರ್ಡ್ ಆಕೃತಿ ₹8,13,49,350ಗೆ(1 ಮಿಲಿಯನ್ ಡಾಲರ್) ಸೇಲ್ ಆಗಿದೆ.
ಟ್ವಿಟರ್‌ನ ಕಾರ್ಪೊರೇಟ್ ಕಚೇರಿ ಆಸ್ತಿಗಳ ಆನ್‌ಲೈನ್ ಹರಾಜಿನಲ್ಲಿ, ಟ್ವಿಟರ್‌ನ ಪಕ್ಷಿ ಲೋಗೊ ಆಕಾರದ 10 ಅಡಿಯ ನಿಯಾನ್ ಲೈಟ್ ಕೂಡ ಸೇರಿದೆ. ಇದು ₹32,53,974(40,000 ಡಾಲರ್) ಮೊತ್ತಕ್ಕೆ ಬಿಕರಿಯಾಗಿದೆ ಎಂದು ಹೆರಿಟೇಜ್ ಗ್ಲೋಬಲ್ ಪಾರ್ಟ್‌ನರ್ಸ್ ಬಿಡ್ಡಿಂಗ್ ಸರ್ವಿಸ್ ದೃಢಪಡಿಸಿದೆ.
631 ವಸ್ತುಗಳ ಹರಾಜಿನಲ್ಲಿ ಎಸ್‌ಪ್ರೆಸ್ಸೊ ಮೆಶಿನ್, ಟಿವಿ, ಚಾರ್ಜಿಂಗ್ ಸ್ಟೇಶನ್, ಪಿಜ್ಜಾ ಓವನ್, ‘@’ಮಾದರಿಯ ಡೆಕೊರೇಟಿವ್ ಪ್ಲಾಂಟರ್ ಸಹ ಇತ್ತು.
ಕಂಪನಿಯ ಆರ್ಥಿಕ ಸಮಸ್ಯೆಗೆ ಉದ್ಯೋಗ ಕಡಿತದಿಂದ ಪರಿಹಾರ ಸಿಕ್ಕಿದೆ ಎಂದು ಎಲಾನ್ ಮಸ್ಕ್ ಡಿಸೆಂಬರ್‌ನಲ್ಲಿ ಹೇಳಿದ್ದರು. ತಮ್ಮ ಒಡೆತನದ ಟ್ವಿಟರ್‌ಗೆ ಅವರು ನೂತನ ಸಿಇಓ ಹುಡುಕಾಟದಲ್ಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.